विराटनगर, चैत १७
लाखौँ रुपैयाँ मूल्य बराबरको यौनबद्र्धक औषधिसहित प्रहरीले चार जनालाई झापाबाट नियन्त्रणमा लिएको छ । दक्षिणी झापाको कचनकवल गाउँपालिका १ कुटीबाट उनीहरुलाई नियन्त्रणमा लिएको जिल्ला प्रहरी कार्यालय झापाले जानकारी दिएको छ ।
औषधिमा संलग्न बाह्रदशी गाउँपालिका–४ का २२ वर्षीय इतियाज आलम, सोही ठाउँका २४ वर्षीय सम्दान हुसेन, २८ वर्षीय ताहिर आलम र भारत जङ्पुरी घर भई हाल वौद्ध–१ काठमाडौँ जोरपाटीका ३२ वर्षीय फुन्चोक लामालाई औषधि बोक्न प्रयोग गरिएको भ्यानसहित मे६प १०१६ नम्बरको र भारतीय वीआर ३७ जी १४४० को मोटरसाइकल समेत नियन्त्रणमा लिएको जिल्लाका प्रहरी उपरिक्षक (एसपी) दिनेशराज मैनालीले जनाए ।
बरामद गरिएका औषधिमा बे्रष्ट्रिम तेल, ओरल मैक्स,स्प्रे,एमाग्रा,फोरडिम लगायतका यौनबर्धक औषधि अन्दाजी २२ लाख रुपैयाँ मूल्य बराबरको रहेको एसपी मैनालीले जनाए ।
अस्थायी प्रहरी चौकी कुटीबाट खटिएको प्रहरी टोलीले शनिबार दिउँसो भारतबाट अवैधरूपमा नेपाल भित्र्याइएको १४ कार्टुनमा रहेको विभिन्न ब्राण्डका यौनबर्धक आयूवेर्दिक औषधि नियन्त्रणमा लिएको जिल्लाका डिएसपी महेन्द्र कुमार श्रेष्ठले जनाए ।
मे१च ४०६३ नम्बरको मारुती भ्यानमा औषधि राखेर बिर्तामोडतर्फ ल्याइँदै गरेको अवस्थामा अस्थायी प्रहरी चौकी कुटीले जाँचका क्रममा नियन्त्रणमा लिएको डिएसपी श्रेष्ठको भनाई छ ।
