रबिन्द्र बराल
बैशाख ७ शनिबार
मोरङको पूरानो सदरमुकाम रंगेलीको बजारमा रहेको मुख्य हुलाकी राजमार्गको सडक बिस्तार हुने भएको छ । सडक विस्तार हुने भएपछि स्थानीय खुशी भएका छन ।
हुलाकी राजमार्ग निर्देशनालयले सडक बिस्तारका लागि रंगेली नगरपालिकाको सिमाक्षेत्र भित्र रहेको संरचनाहरु हटाउन पत्राचार गरेपछि रंगेली वजार भत्कने भएको हो ।
डिभिजन सडक कार्यलय बिराटनगरले गत बर्ष नै सडक ऐन वमोजिम सडक सिमा निर्धारण गरि बिराटनगर रंगेली उर्लाबारी क्षेत्र लाई सहायक मार्गको रुपमा सडकलाई फराकिलो पार्न १५ , १५ मिटर र ६ , ६ मिटर सेड व्याक निर्माण गर्न तोके पछि नगरपालिकाको कार्यपालिकाको बैठकले शुक्रबार आफ्नो क्षेत्रमा पर्ने ४.९ किलोमिटर सडकको कोल्डस्टोरदेखि मधुवनी चोक सम्मको दायाँबायाँ मा रहेका घरहरुमा चिन्ह लागउने काम सुरु गरेको छ ।
सोहि क्रममा चिन्ह लगाए पछि घर धनीहरुलाई घर टहरा हटाउन परिपत्र समेत गरेको छ । यस्तै ५ स्थानीयले घरटहरा हटाउन दिएको परिपत्र नबुझेपछि मुचुल्का गरी उक्त घरमा सुचना समेत टाँस गरिएको छ ।
मेचीको बिच भागमा पर्ने ठाउँ भएको हुनाले बिक्रम सम्बत १९४५ मोरङको सदरमुकाम रंगेली कायम गरिएको थियोे । त्यस बेला देखि रंगेली चर्चामा आएको भएता पनि सदरमुकाम हुनु अघि बिक्रम सम्वत १९७२ देखि रंगेली सामान्य बजार र खरिदबिक्रीको केन्द्र बनेको थियो ।
बिक्रम सम्वत १९४६ मा श्री ३ प्रधानमन्त्री बीरशमशेरले सरदार कालिदास कोइरालालाई प्रथम बडाहाकिम को रुपमा रंगेली पठाउदा रंगेलीको विकासको थालनी भएको जानकारहरु बताउँछन् ।
बिक्रम सम्वत १९४७ मा रंगेली अस्पताल स्थापना गरिएसँगै त्यसैगरी काठ महल,वनजाँच,अमिनि,माल,कचहरी,गोश्वारा,जेल स्थापना भएको थियोे । बिक्रम सम्वत १९७१ सालमा श्री ३ प्रधानमन्त्री चन्द्रशमशेरले रंगेलीबाट सम्पूर्ण सरकारी कार्यलय बिराटनगर सार्ने निर्णय गरेका थिए ।
