काठमाडौं, वैशाख १३
दोस्रो बेल्ट एण्ड रोड (बीआरआई) अन्तर्रा्ष्ट्रिय सहकार्य शिखर सम्मेलन बेइजिङमा औपचारिक रुपमा सुरु भएको छ । बिहीबारबाट सुरु सम्मेलनको उद्घाटन आज भएको हो ।
सम्मेलनमा ३७ देशका नेता, संयुक्त राष्ट्र संघका महासचिव र अन्तर्रा्ष्ट्रिय मुद्रा कोषका महानिर्देशकसहित पाँच हजार विदेशी प्रतिनिधिहरू सहभागी छन् । सम्मेलनमा भाग लिन नेपालबाट राष्ट्रपति विद्यादेवी भण्डारी बेइजिङ पुगेकी छन् ।
तीन दिन चल्ने सम्मेलनको मुख्य विषय ‘बेल्ट एण्ड रोड सहकार्यः एक उज्ज्वल साझा भविष्यको खोजी’ भन्ने छ । बिहीबार विभिन्न १२ शीर्षकका फरक–फरक सत्रमा छलफल भएको थियो । जसमा नेपाली व्यवसायीहरूले पनि सहभागिता जनाएका थिए ।
