विराटनगर, बैशाख १९
संघीय खानेपानी अन्तर्गतका प्रदेश नं १ र २ का कार्यालयमा आर्थिक वर्ष २०७३÷७४ सम्ममा ५८ करोड ८३ लाख ६३ हजार ७ सय ६ रुपैया वेरुजु रहेको पाइएको छ । खानेपानी मन्त्रालय काठमाडौ र संघीय खानेपानी तथा ढल व्यवस्था समिति प्रदेश नं १ र २ द्वारा विराटनगरमा आयोजित प्रदेश स्तरीय सुशासन प्रवद्र्धन तथा वेरुजु व्यवस्थापन सम्बन्धी तीन दिने कार्यशाला गोष्ठीका अवसरमा यस्तो जानकारी दिइएको हो ।
उक्त मन्त्रालय अन्तर्गतका मुलुकभरका कार्यालयहरुमा रु १० अर्व भन्दा वढी वेरुजु रहेको कार्यक्रममा बताइएको छ । प्रदेश नं १ का भौतिक पूर्वाधार विकास मन्त्रालयका सचिव मनोज घिमिरेले कर्मचारी स्थायी सरकार भएकाले वेरुजु फछर्र्याैट गरी सुशासन कायम गरेमा सही अर्थमा सङ्घीयता कार्यान्वयन भई मुलुकमा समृद्ध कायम हुने बताए ।
प्रदेश नं १ अन्तर्गतका १४ जिल्लामा खानेपानी मन्त्रालय अन्तर्गतका कार्यालयमा आर्थिक वर्ष २०७३÷७४ सम्ममा २९ करोड ९९ लाख ८२ हजार १८६ वेरुजु रहेको छ भने फिक्कल नगर आयोजना र साना शहरी इटहरी कार्यालयको १३ करोड ३१ लाख९६ हजार १५६ गरी ४३ करोड ११ लाख ७८ हजार ३४२ वेरुजु रहेको उपलव्ध तथ्यङ्कमा जनाइएको छ । यसैगरी प्रदेश नं २ अन्र्ततका ८ जिल्लामा १४ करोड ५९ लाख ११ हजार ७३४ रुपैया बेरुजु देखिएको छ ।
कार्यशाला गोष्ठीमा संघीय र प्रदेश खानेपानी डिभिजन कार्यालयका प्रमुख र लेखा प्रमुखहरुको सहभागिता रहेको छ । गोष्ठीमा सुशासन प्रवद्र्धन, सङ्घीय संरचनामा वजेट तथा कार्यक्रम तर्जुमा , उजुरी , गुनासो व्यस्थापन, सूचनाको हक सम्वन्धी अनुशिक्षण, वेरुजु व्यवस्था, र कार्यालय व्यवस्थापन तथा निर्देशन आदि विषयमा प्रशिक्षण दिन कार्यक्रको उद्देश्य रहेको छ ।
