विराटनगर, बैशाख २०
विराटनगरमा सम्पन्न साफ महिला फुटबल च्याम्पिएनसिप २०१९ मा रेफ्रीको भूमिका निभाएका विक्रम कार्कीले त्यसवापत आएको रकम बृद्धाश्रमलाई हस्तान्तरण गरेका छन् । उनले विराटनगर १ मा रहेको महिला जागृति तथा बृद्धा आश्रमलाई साफ प्रतियोयोगिताबाट पाएको भत्ताको रकम सहयोग गरेका हुन् ।
माता तिर्थ औशीको अवसर पारेर उनले भत्ताको रकमबाट बृद्धा आमाहरुलाई विभिन्न किसिमका साडी लगायतका कपडा, फलफुलसहित एक दिनको भोजन गराउदै नगद समेत प्रदान गरेका छन् । सामाजिक काम गर्दा आफूलाई आन्नद महसुुस हुने भन्दै आगामी दिनमा पनि यसलाई निरन्तरता दिने उनले बताएका छन् ।
