किशोर विश्वकर्मा
विराटनगर, माघ १०
आगामि माघ २४ गते हुने राष्ट्रियसभा निर्वाचनका लागि १ नं. प्रदेशबाट एक दर्जनको उम्मेदवारी परेको छ । निर्वाचनका लागि विभिन्न राजनितिक दलबाट राष्ट्रियसभा सदस्यका लागि ४ जना (खुला), ३ महिला, ३ अल्पसंख्यक र दलित कोटामा २ जनाको उम्मेदवारी परेको हो ।
राष्ट्रियसभा सदस्यका लागि नेकपा एमालेबाट खुलामा परशुराम मेघी गुरुङ, हरिचरण शिवाकोटी र खड्ग बहादुर बस्नेतले उम्मेदवारी दर्ता गराएका छन् । सोही पार्टीबाट महिला कोटामा नैनकला ओझाको उम्मेदवारी परेको छ ।
त्यस्तै अल्पसंख्यकबाट अगमप्रसाद वान्तवा राई र दलित कोटामा खेमराज नेपालीको उम्मेदवारी दर्ता भएको छ । त्यस्तै नेपाली कांग्रेसबाट खुलामा रमेशजंग रायमाझि, महिलामा सरिता प्रसाइँ र अल्पसंख्यकमा मेहेशकुमार जाजु र दलित कोटामा विनकुमार विश्वकर्माको उम्मेदवारी दर्ता भएको छ ।
माओवादी केन्द्रले महिलाकोटामा विना पोखरेललाइ उठाएको छ । त्यस्तै राप्रपाले अल्पसंख्यकमा अनुपमादेवी साहलाई उम्मेदवार बनाएको छ ।
