३० जेठ, विराटनगर । मोरङको पथरी शनिश्चरे नगरपालिका–१ मा बिहीबार एक पुरुषको शव फेला परेको छ । नगरपालिकास्थित हरियाली सामुदायिक वन क्षेत्रभित्र पथरीशनिश्चरे–८ का ३१ वर्षीय विमल परियारको शव फेला परेको जिल्ला प्रहरी कार्यालय मोरङले जनाएको छ ।
गत मंगलबारदेखि परिवारबाट सम्पर्कविहीन बनेका विमलको शव फेला परेको हो । मृतकको साथबाट एउटा मोबाइल र आफन्तको धनीपूर्जा फेला परेको छ । मृत्युको कारण भने खुल्न नसकेको प्रहरीले जनाएको छ ।
शवलाई पोस्टमार्टमका लागि मंगलबारे अस्पताल लगिएको र घटनाका बारेमा थप अनुसन्धान सुरु गरिएको प्रहरीले जनाएको छ ।
