१० भदौ, चितवन ।
रवि लामिछानेले मंगलबार चितवनको नारायणगढमा धन्यबाद सभा गर्ने भएका छन् । पत्रकार शालिकराम पुडासैनीको आत्महत्या प्रकरणमा अनुसन्धानको क्रममा प्रहरीले उनलाई पक्राउ गरि १२ दिनसम्म प्रहरी हिरासतमा राखेको थियो । उनी सोमबार बेलुका धरौटीमा रिहा भएका थिए ।
उनीसहित तीनजनामाथि आत्महत्या दुरुत्साहन मुद्दा लागेको छ । रिहा भएका रवि लामिछानेले मंगलबार दिउँसो २ बजे नारायणी नदी किनारको प्रदर्शनी मैदानमा धन्यबाद सभा गर्ने जानकारी दिएका छन् ।
उनले फेसबुकमार्फत भनेका छन्, ‘चितवनसहित देशका सबै जिल्ला तथा देश–विदेशबाट मेरो पक्षमा उभिनु हुने सबैलाई धन्यबाद दिनका लागि धन्यबाद सभा आयोजना गरेको छु ।’
