भदौ १२, विराटनगर । राउण्ड टेबल ५ विश्व मानचित्रमा बिराटनगरलाई मात्र होइन नेपाललाई चिनाउने क्लब बन्न सफल भएको छ ।
केही दिन अघि राउण्ड टेबलको रोमानियामा भएको अन्तर्राष्ट्रिय सम्मेलनमा विश्वभरका हजारौं राउण्ड टेबल मध्ये राउण्ड टेबल ५ बिराटनगर उत्कृष्ट चारमा पर्न सफल भएको हो ।
राउण्ड टेबल ५ विश्वमै शीर्ष चारमा पर्न सफल भएको पब्लिसिटी कन्भिेनर सन्जिव सिग्देलले जानकारी दिए ।
क्लव विश्वमै चौथो स्थानमा परेकोमा ब्लबका २०१८–१९ का चेयर पर्सन स्वतन्त्र नेवटियाले खुसी व्यक्त गरेका छन । उनले यो उपलब्धी सबै राउण्ड टेबल ५ का साथी तथा राउण्ड टेबल नेपाल सम्पूर्ण टिमको सफलता भएको बताएका छन ।
विश्वभरिका हजारौं क्लब मध्ये बिराटनगर कार्यक्षेत्र रहेको राउण्ड टेबल ५ बिराटनगर विश्वमन्चमा चौथो स्थानमा पर्नु बिराटनगरवासीका लागि मात्रै नभई देशकै लागि गौरवको क्षण भएको बताए ।
यसअघि काठमाडौमा सम्पन्न क्लबको अधिवेशनमा समेत सो क्लब,क्लब अफ दि इयर तथा स्वतन्त्र नेवटिया चेयर पर्सन अफ दि इयरमा छानिएका थिए ।
शिक्षाको क्षेत्रमा सक्रियतापूर्वक काम गर्दै आएको राउण्ड टेबल ५ ले बालबालिकालाई यौन शोषणबाट जोगाउन सचेतनामुलक अभियान समेत चलाउदै आएको सिग्देलले जानकारी दिए । क्लबले गुड टच ब्याड टच कार्यक्रम समेत स्कुल स्कुलमा संचालन गर्दे आएको छ ।
