२२ भदौ, काठमाडौं । प्रहरीले दुई थान पेस्तोलसहित काठमाडौंको माछापोखरीबाट सात जनालाई पक्राउ गरेको छ । उनीहरुलाई गुण्डागर्दीमा संलग्न भएको भन्दै प्रहरीले पक्राउ गरेको हो ।
शनिबार अपरान्ह ४ः३० बजे माछापोखरीबाट दुई वटा पेस्तोल र ४ राउण्ड गोलीसहित उनीहरुलाई काठमाडौ प्रहरीले पक्राउ गरेको हो ।
महानगरीय प्रहरी परिसर काठमाडौंका प्रवक्ता होविन्द्र बोगटीले गुण्डागर्दीमा संलग्न ७ जनालाई दुई वटा पेस्तोल र चार राउण्ड गोलीसहित पक्राउ गरेको भए पनि नाम भने खुलाएको छैन । यस विषयमा थप अनुसन्धान भइरहेको प्रहरीले जनाएको छ ।
आइतबार काठमाडौं प्रहरीले पक्राउ परेकाहरुलाई पत्रकार सम्मेलन गरेर सार्वजनिक गर्ने तयारी समेत गरेको छ ।
