१४ असोज, इटहरी ।
सुनसरीको ईटहरी–१७ नमुनाटोल स्थित राजमार्गमा मोटरसाइकलको ठक्करबाट ७५ बर्षिय एक बृद्धाको मृत्यु भएको छ ।
सोमबार दिउँसो २ बजेको समयमा पश्चिमबाट पूर्ब तर्फ जादै गरेको को ४ प ३५३१ नम्बरको मोटरसाईकलले सोही स्थान बस्ने ७५ बर्षिया पार्बती देबी चौधरीलाई बाटो काट्ने क्रममा ठक्कर दिएको थियो । ठक्करबाट घाईते भएकी उनलाई स्थानिय मेडिकलमा उपचार गराए पश्चात घर लगिएकोमा आज बिहान ५ बजेको समयमा उनको मृत्यु भएको थियो ।
मोटरसाईकल र मोटरसाईकल चालक सुनसरीको बराह नगरपालिका–३ बस्ने रमेश राईलाई ईलाका प्रहरी कार्यालय पकलीले नियन्त्रणमा लिएको उक्त कार्यालयले जनाएको छ ।
