१६ असोज, एजेन्सी ।
इरानले इराकसँगका दुई वटा सीमानाका बन्द गरेको छ। इराकमा आन्तरिक द्वन्द्व चर्किएको भन्दै इरानी तीर्थयात्रीले प्रयोग गर्ने एक नाकासहित दुई वटा नाका बन्द गरिएको स्थानीय संचारमाध्यमलाई उदृत गर्दै रोयटर्सले लेखेको छ।
सीमा सुरक्षाबलका प्रमुख जेनेरल कसेम रेजेइका अनुसार बुधवारदेखि खोस्रावी र चाजाबे सीमा बन्द रहेका छन्।
खोस्रावी सीमा बन्द रहेपनि अन्य सीमा भने इराकमा हुने सिया मुस्लिम धर्मावलम्बीहरुको पर्वका कारण खुल्ला नै रहेको एक अग्रज इरानी तीर्थयात्रीले बताए।
