Nepal Times
Nepal Times
3
Shares

प्रदेश १ मा अब ‘जनतासँग प्रहरी’ र ‘जनतासँग मुख्यमन्त्री’ कार्यक्रम सञ्चालन हुने

प्रदेश १ मा अब ‘जनतासँग प्रहरी’ र ‘जनतासँग मुख्यमन्त्री’ कार्यक्रम सञ्चालन हुने

विराटनगर, फागुन १०
एक नम्बर प्रदेश सरकारले प्रदेशको शान्ति सुरक्षाको अवस्था बलियो बनाउन ‘जनतासँग प्रहरी’ अभियान र ‘जनतासँग मुख्यमन्त्री’ टेलिफोन संवाद कार्यक्रम सञ्चालन गर्र्ने भएको छ ।

आज बसेको प्रदेश मन्त्रिपरिषदको बैठकले यस्तो निर्णय गरेको हो । अभियान अन्तर्गत एक महिनाभित्रमा प्रदेशका सबै जनताको घरधुरीमा प्रहरी पुगेर शान्ति सुरक्षामा सहयोग र हातेमालोको आग्रह गर्नेछन् ।

त्यस क्रममा ती घरधुरीमा नजिकको प्रहरी युनिट र सम्बन्धित जिल्ला प्रहरी कार्यालयको फोन नम्बरसहितको स्टिकर टाँस गरेर कुनै घटना, दुर्घटना, अपराध वा सुरक्षा चुनौति भए खबर गर्न आग्रह गर्ने योजना रहेको मुख्यमन्त्री शेरधन राईले बताए ।

अभियानको क्रममा जनताले दिएको सुचना अनुसार शहरी क्षेत्रमा आधा घण्टाभित्र र ग्रामीण क्षेत्रमा एक घण्टाभित्र घटनास्थलमा प्रहरी पुग्नेगरी काम अगाडि बढाइने मुख्यमन्त्री राईले बताए ।

साथै जनताका गुनासा सरकारसँग पुर्याउन पाक्षिक रुपमा ‘जनतासँग मुख्यमन्त्री’ टेलिफोन संवाद कार्यक्रम सञ्चालन गरिने छ । यस कार्यक्रममा प्रदेशका जनताले आफ्ना समस्या र गुनासा सिधै मुख्यमन्त्रीसमक्ष राख्न सक्नेछन् ।

प्रदेश सरकार बनेपछिको दोस्रो मन्त्रिपरिषद् बैठकले सरकारको कामलाई अगाडि बढाउन विभिन्न तीन वटा समितिसमेत गठन गरेको छ । बैठकले आन्तरिक मामिला तथा कानुन मन्त्रालयका सचिवको नेतृत्वमा कानुन मस्यौदा समिति, भौतिक पूर्वाधार विकास मन्त्रालयका सचिवको नेतृत्वमा भौतिक पूर्वाधार विकास सुझाव समिति र मुख्यमन्त्रीको कार्यालयका सचिवको नेतृत्वमा सुशासन तथा सदाचार प्रवद्र्धन समिति गठन गरेको हो । यी समितिले दिएको सुझाबको आधारमा सरकारले आफ्नो आगामी कार्यक्रम तय गर्नेछ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.