Nepal Times
Nepal Times
3
Shares

सुन्दरहरैंचामा गोल्डकप फुटबल प्रतियोगिता सञ्चालन हुने

सुन्दरहरैंचामा गोल्डकप फुटबल प्रतियोगिता सञ्चालन हुने

विराटनगर, फागुन १०
मोरङको सुन्दरहरैंचामा सुन्दरहरैंचा गोल्डकप फुटबल प्रतियोगिता सञ्चालन हुने भएको छ । स्थानीय एकता युवा क्लवको आयोजनामा फागुन–१२ गतेदेखि फागुन १९ गतेसम्म गोल्डकप सञ्चालन हुन लागेको हो ।

यतिबेला गोल्डकपको तयारी अन्तिम चरणमा पुगेको क्लवका अध्यक्ष विक्रम सामपाङले जानकारी दिए । प्रतियोगिता हुने मैदानको घेराबारा, प्याराफिट र मञ्चनिर्माण लगायतको काम सकिएको छ ।

गोल्डकपमा प्रदेश नम्बर १ का ८ वटा टोलीको सहभागिता रहनेछ । फागुन १२ गते हुने प्रतियोगिताको उद्घाटन खेलमा एफ.सी. सयपत्री यासोक, पाँचथर र एपीएफ दमक झापाबीच प्रतिस्पर्धा हुनेछ । प्रतियोगिताको फाइनल खेल फागुन १९ गते हुनेछ ।

गोल्डकपको विजेतालाई १ लाख ५१ हजार १ सय ११ र उपविजेतालाई १ लाख १ हजार १ सय ११ नगदसहित ट्रफि प्रदान गरिने छ । गोल्डकपलाई विराट चोकस्थित दायाराम आटो ट्रेडर्सले मुख्य प्रायोजन गर्ने भएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.