२५ असोज, काठमाडौं ।
चीनका राष्ट्रपति सी जिनफिङको स्वागतका लागि राष्ट्रसेवक कर्मचारीहरु सडकमा निस्केका छन् ।
राष्ट्रपति सीको आगमन भएसँगै कर्मचारीहरु विभिन्न ठाउँमा स्वागत गर्न उभिएका छन् । निजामती, विभिन्न संस्थान, सुरक्षाकर्मीलेसमेत सीको स्वागतमा सडकमा उभिएका छन् ।
राष्ट्रपति सी त्रिभुवन अन्तर्राष्ट्रिय विमानस्थलबाट तीनकुने, बानेश्वर, बबरमहल, माइतीघर, थापाथली, त्रिपुरेश्वर, कालिमाटी हुँदै सोल्टी होटेलमा पुग्नेछन् । त्यहाँ जाने क्रममा उनलाई सडकमा उभिएर स्वागत गरिनेछ ।
यसैगरी उक्त रुटमा राष्ट्रपति विद्यादेवी भण्डारी र चीनका राष्ट्रपति सीको फोटो राखेर स्वागत गेट बनाइएको छ । सीको स्वागतका लागि विमानस्थल, तीनकुने, नयाँ बानेश्वर, माइतीघर, थापाथलीलगायतका ठाउँमा फूल र गमलासहित सिंगारिएको छ ।
