२७ असोज, काठमाडौं ।
यसवर्षको अर्थशास्त्रतर्फको नोबेल पुरस्कार तीनजना अर्थशास्त्रका वैज्ञानिकलाई संयुक्त रुपमा प्रदान गरिएको छ । गरिबी न्यूनिकरणको लागि गरेको प्रयास बापत अभिजित बैनर्जि, इश्थर डफ्लो र माइकल क्रेमरलाई नोबेल पुरस्कार प्रदान गरिएको हो ।
घोषणा पश्चात् पुरस्कार प्रदान गर्ने ‘रोयल स्वीडिश एकेडमी अफ साइन्सेज’ले तीनैजना वैज्ञानिकले गरेको कार्यले गरिबी विरुद्धको लडाइँमा ब्यापक सुधार आएको जनाएको छ ।
तीनैजनाले करीब नौ लाख अमेरिकी डलर पाउनेछन् । १९६९ मा प्रथम पटक सुरु भएपछि इश्थर डुफ्लो अर्थशास्त्र तर्फ नोबेल पुरस्कार जित्ने दोस्रो महिला हुन् । ४६ वर्षकै उमेरमा पुरस्कार प्राप्त गरेकी उनी सबैभन्दा कान्छो पुरस्कार प्राप्तकत्र्ता पनि हुन् ।
बैनर्जिको अध्ययनबाट भारतका ५० लाख अपाङ्ग बालबालिकाको विद्यालय शिक्षामा सुधार भई प्रत्यक्ष लाभ लिएका छन् ।
