३ कात्तिक, काठमाडौँ ।
मेरिलिबोन क्रिकेट क्लब(एमसीसी) नेपाली क्रिकेट टोलीसँग सिरिज खेल्न नेपाल आउने भएको छ । कात्तिक तेस्रो सात नेपाल आउने तयारीमा रहेको एमसीसीले नेपालसँग थ्री डे, तीन टि–२० र एक दिवसिय सिरिज खेल्ने छ ।
नेपाली क्रिकेट टोलीका टेक्निकल म्यानेजर रमन शिवाकोटीका अनुसार एमसीसीको टोली आगमी कात्तिक १६ देखी २६ सम्म नेपाल भ्रमणमा आउन लागेको हो । तर कुन खेल कहिले खेल्ने भने अझैं तय भई सकेको छैन । रमनले भने ‘एमसीसीको टोली नेपाल आउँदै छ । वान डे,टि२० र थ्रि डे हुने छ ।पोखरा र काठमाडौंमा कुन कुन खेल हुने आइतबार सम्ममा थाहा हुन्छ । कुन खेल कहिले र कतिवोटा हुने भन्ने अझैं टुङ्गो लाग्न सकेको छैन । एक दुईदिनमै थाहा हुन्छ’ ।
टि२० र वान डे मा य–१९ खेलाडीको पनि सहभागिता रहने छ । थ्रि डे भने सिनियर टोली खेल्ने छ । एमसीसीसँग नेपालले पहिलो पटक सन् २०१६ मा क्रिकेटको मक्का मानिने लड्स क्रिकेट मैदानमा खेलेको थियो । जुन खेलमा नेपाल ४१ रनले विजयी भएको थियो ।
त्यस्तै नेपालले गत वर्ष लड्समै नेदरल्यान्ड र एमसीसीसँग त्रिकोणात्मक टि–२० सिरिज खेलेको थियो । एमसीसीलाई नेपालले ९ विकेटले पराजित गर्दा नेदरल्यान्डसँगको खेल वर्षाको कारण रद्ध भएको थियो ।
