आजका प्रमुख खबरहरुः
१.(आलम जेलमा)
राजपुर बम बिस्फोटको घटनामा पक्राउ परेका कांग्रेसका निलम्मित सांसद मोहम्मद आफताब आलमलाई पुर्पक्षका लागि थुनामा राख्न जिल्ला अदालत रौतहटको आदेश /आदेशमा चित्त नबुझेमा आलमले उच्च अदालतमा निवेदन दिन पाउने ।
२.(रुप ज्योति रिहा)
ठगी गरेको आरोपमा पक्राउ परेका उद्योगी रुप ज्योतीविरुद्ध मुद्दा नचलाइने /पीडितले आफुले पाउनुपर्ने रकम पाइसकेको निवेदन दिएकाले मुद्दा नचलाउने निर्णय गरिएपछि ज्योति रिहा ।
३.(कारण देखाउ आदेश)
कालापानी क्षेत्रको सीमा विवादलाई लिएर परेको रिटमा सर्वोच्च अदालतले सरकारसँग माग्यो लिखित जवाफ/अधिवक्ता सुजित केसी र उपप्राध्यापक फणीन्द्र नेपालले दायर गरेको रिटमाथि जवाफ पेश गर्न विपक्षीलाई आदेश ।
४.(भ्रष्टाचार अन्त्य कसरी ?)
भष्ट्रचार ढिला सुस्ती अन्त्यका लागि सबै पक्ष प्रतिबद्ध भएर अगाडी बढनु पर्ने बेला आएको १ नं प्रदेशका सभामुख प्रदीपकुमार भण्डारीको भनाई / कानून निर्माण गरेपनि व्यवस्थित नहुँदा सुशासन कायम गराउ समस्या रहेको उल्लेख ।
५.(फर्किए हमिद)
बंगलादेशका राष्ट्रपति मोहम्मद अब्दुल हमिदको नेपाल भ्रमण दलमा रहेका सदस्यहरुद्वारा काठमाडौंको चन्द्रागिरि अवलोकन/ राष्ट्रपति हमिदसहित बंगलादेशका भ्रमण टोली आजै स्वदेश फिर्ता ।
६.(कानुनका कुरा सुन्ने कि ?)
तरुण दलका जिल्ला सभापति सन्दीपजंग शाहलाई हातहतियार तथा खरखजना मुद्दामा पाँच वर्ष सजाय माग गर्दै सरकारी वकिल कार्यालयद्वारा अदालतमा मुद्दा दायर /तरुण दल आन्दोलित हुदै बाँके जिल्ला बन्द ।
७.(आन्दोलनको स्वरुप)
सरकारले तोकेभन्दा बढी असुलेको शुल्क फिर्तालगायत ६ बुँदे माग राखेर युनिभर्सल कलेजका विद्यार्थीहरुद्वारा रिले अनसन शुरु / १६ दिनदेखि कलेजमा पठनपाठन ठप्प ४ दिनदेखि कलेजको कार्यालयमा तालाबन्दी ।
८.(सल्लाहकारमा थापा)
प्रधानमन्त्री केपी शर्मा ओलीको सचिवालयबाट ६ जना एकसाथ बाहिरिए/ बिदा हुनेमा अधिकांश प्रेससँग सम्बन्धित टोली/ राजीनामा दिएका १३ जना मध्ये ६ जनाको राजिनामा स्वीकृत/ प्रधानमन्त्री प्रेस सल्लाहकारमा सूर्य थापा ।
९.(ब्यक्तिगत स्वतन्त्रता खोई ?)
निजामती कर्मचारीलाई सामाजिक सञ्जाल (फेसबुक, ट्वीटर) प्रयोगमा कडाइ गरिने /सरकार वा राज्यविरूद्ध कुनै अभिव्यक्ति दिएमा कर्मचारीको निवृत्तिभरण (पेन्सन) समेत रोक्ने सरकारको तयारी ।
१०.(मन्त्रीका कुरा)
सरकारले सामाजिक सुरक्षा योजना अन्तरगत हरेक नागरिकको जीवनलाई सुःखमय बनाउन चाहेको श्रममन्त्री गोकर्ण विष्टको भनाई /नागरिकको सुरक्षित भविष्यका लागि पनि सरकारले सबै नागरिकलाई पेन्सनको व्यवस्था गर्ने तयारी ।
११.(शिल्पालाई राहत)
अभिनेत्री शिल्पा पोखरेल साधारण तारेखमा रिहा / जिल्ला अदालत, काठमाडौंमा हाजिर भएकी पोखरेललाई बहुविवाद सम्बन्धी मुद्दामा साधारण तारेखमा छाड्न अदालतको आदेश ।
१२.(कामको कदर)
पत्रकार अजयबाबु शिवाकोटीलाई १ लाख राशीको ‘ईन्जा साहसी पत्रकारिता पुरस्कार’ प्रदान / महराको समाचार सार्वजनिक गरे बापत शिवाकोटी सम्मानित ।
१३.(सफलताको शुभकामना)
फिफा विश्वकप २०२२ को छनोट चरणअन्तर्गत समूहको पाँचौ खेलमा मंगलबार कुवेतको सामना गर्ने अन्तिम नेपाली टोलीको घोषणा /दशरथ रंगशाला समयमा तयार नहुँदा उक्त खेल भुटानको चाङलिमिथाङ रंगशालामा आयोजना हुदै ।
१४.(हात लाग्यो शुन्य)
भारतमा जारी यू–१९ च्यालेञ्जर्स ट्रफीको लिग चरणमा नेपाल जितविहीन / राउण्ड रोबिन लिगको अन्तिम खेलमा आज नेपाल भारतको ब्लू टिमसँग दुई विकेटले पराजित ।
र,
१५.(सुनामीको चेतावनी)
इन्डोनेसियामा शक्तिशाली भूकम्पपछि सुनामीको चेतावनी / मालुकु टापुमा ७ दशमलब ४ म्याग्निच्युडको भूकम्पको ठूलो धक्का महसुश / समुद्री किनार र होचो भूभागका बासिन्दालाई सुरक्षित रहन सचेत ।
