आजका प्रमुख खबरहरुः
१.(दुखद् खबर)
सिन्धुपाल्चोक बस दुर्घटनामा मृत्यु हुनेको संख्या १५ पुग्यो / दुर्घटनामा परी १७ जना घाइते / गम्भीर घाईतेको काठमाडांैमा उपचार हुँदै / मृत्यु हुनेमा एक दर्जन बढीको सनाखत ।
२.(मेडिकल शुल्क समायोजन)
चितवन मेडिकल कलेजले सबै शंकायको शुल्क समायोजन गर्ने / विद्यार्थीलाई परीक्षामा सामेल हुन कलेजको आग्रह / समायोजित शुल्कका लागि एक साताभित्र सम्पर्क गर्न अनुरोध/ प्रशासनको सूचनालाई आन्दोलनरत विद्यार्थीहरुद्वारा षडयन्त्रको संज्ञा ।
३.(भविष्यको चिन्ता)
लोकसेवा आयोग र सरकारी संघ संस्थाहरुमा आफुहरुलाई अवसर दिनुपर्ने माग राख्दै विराटनगरको महेन्द्र मोरङ आदर्श बहुमुखी क्याम्पसमा अध्ययनरत विद्यार्थीहरुद्वारा प्रदर्शन / मागहरुमाथि बेवास्ता गरे सैह्य नहुने चेतावनी ।
४.(काम कुरो एका तिर कुम्लो….)
समायोजनमा परेका असन्तुष्ट अधिकृतहरुद्वारा सामान्य प्रशासन मन्त्रालय अगाडि प्रदर्शन / कर्मचारी समायोजनका गुनासा नटुंगिदै लोक सेवा आयोगले संघमा नयाँ अधिकृत भर्ना आह्वान गरेकोमा असन्तुष्टि ।
५.(रेल्वेको नयाँ सपना)
इनरुवा–काकडभिट्टा रेलवे लाइन र इटहरी– विराटनगर लिंक खण्डको निर्माण तथा सञ्चालनका लागि विस्तृत प्रतिवेदन तयार / सुनसरी मोरङ र झापा गरी तीन जिल्लामा पर्ने परियोजना सम्पन्न गर्न ९० अर्ब २ करोड ८२ लाख लाग्ने ।
६.(नेकपाका एजेन्डा)
एक वर्षपछि बसेको नेकपाको स्थायी कमिटी बैठकमा पाँचवटा एजेण्डासहित राजनीतिक प्रतिवेदन पेश / अतिक्रमण नेपाली भूमि नेपालले प्राप्त गर्नेगरि अगाडी बढ्ने लगायत प्रस्ताव पेश ।
७.(कांग्रेसमा कलह)
आइतबार केहीबेर बसेर स्थगित केन्द्रीय कार्यसमिति बैठक नेपाली कांग्रेसले सोमबार डाक्यो / बरिष्ठ नेता रामचन्द्र पौडेल पक्षका नेताहरूद्वारा १४ औं महाधिवेशनको कार्यतालिकाबारे एजेन्डा हुनुपर्ने अडान राखेर बैठक बहिष्कार ।
८.(खानेपानीको बखान)
खानेपानी उपभोक्ता समिति बिना खानेपानीका पूर्वाधारको विकास सम्भव नभएको खानेपानी मन्त्री बिना मगरको भनाई / आयकर, भ्याट लगायतमा सहुलियत नदिदा परियोजना सञ्चालनमा समस्या आउने गरेको गुनासो ।
९.(छानविन होस्)
चीन, इन्डोनेसिया र बंगलादेशबाट ल्याइएका औषधी तथा खोपहरु डब्लुएचओ सर्टिफाइड नभएको सांसदहरुको भनाई / नेपालमा प्रयोग हुने कुनैपनि खोपहरु परिक्षणका लागि नभएको विज्ञहरुको दाबी ।
१०.(दोष जति अरुलाई)
सम्पदा पूर्ननिर्माणमा अपेक्षा अनुसारको तिव्रता दिन नसकिएको काठमाडौं महानगरपालिकाका मेयर विद्यासुन्दर शाक्यको भनाई / पुरातत्व विभागको हस्तक्षेप, आपसी झगडा लगायतका कारणले काममा सुस्तता ।
११.(कृषकको बिचल्ली)
रौतहटको मध्यभाग गरुडास्थित श्रीराम सुगर मिल्स यस वर्ष सञ्चालनमा नआउने भएपछि उखु किसान मर्कामा / २५ वर्षदेखि सञ्चालनमा आएको मिलले किसानको साढे ३७ करोड रुपैयाँ भुक्तानी तिर्न बाँकी ।
१२.(गाँजाको धन्दा)
अवैध लागूऔषध गाँजासहित पर्साबाट पाँच जना पक्राउ / शरीरमा गाँजाको प्याकेट बेरेर नेपालबाट भारततर्फ लैजाँदै गरेको अवस्थामा चेकजाँचका क्रममा पाँचै जनालाई नियन्त्रणमा लिइएको प्रहरीको भनाई ।
१३.(वायुसेवाको गन्तब्य)
नेपाल भ्रमण वर्ष २०२० को प्रारम्भसँगै राष्ट्रिय ध्वजावाहक नेपाल वायु सेवा निगमले जापानको नारिता र चीनको ग्वाङ्जाओ उडान शुरु गर्ने / भ्रमण वर्षमा निगमको गन्तव्य विस्तारले सहयोग पुग्ने विश्वास ।
१४.(पिपिएल भिड्न्त)
दोस्रो संस्करणको पोखरा प्रिमियर लिग टि ट्वान्टी क्रिकेट प्रतियोगितामा घरेलु टोली पोखरा पल्टनको विजयी सुरुवात / काठमाडौं गोल्डेन्स ९ विकेटले पराजित/ भोलि विराटनगरले धनगढीसँग खेल्दा दोस्रो खेलमा काठमाडौंले बुटवलको सामना गर्ने ।
र,
१५.(आसाममा कर्फ्यू)
भारतको उत्तरपूर्वी क्षेत्र आसाममा नागरिकता विधेयकको विरोधमा जारी प्रदर्शनमा झडप हुँदा ६ जनाको मृत्यु / प्रदर्शन रोक्न कर्फ्यूसहित सेना परिचालन गरिएपनि हजारौं मानिस कर्फ्यू उल्लंघन गर्दै सडकमा ।
