आजका प्रमुख खबरहरुः
१.(महराको विपक्षमा फैसला)
उच्च अदालत पाटनद्धारा पूर्वसभामुख कृष्णबहादुर महरालाई थुनामा राख्ने जिल्ला अदालत काठमाडौंको आदेशलाई नै सदर / बलात्कारको उद्योगको आरोपमा पक्राउ परेका महरा पुर्पक्षका लागि थुनामा नै रहने ।
२.(स्वास्थ्यमाथि खेलबाड)
इँटाभट्टा हटाउन माग गर्दैै कीर्तिपुर र चन्द्रागिरी नगरपालिकाका बासिन्दाद्वारा चन्द्रागिरी नगरपालिकामा घेराउ र तालाबन्दी /नगरपालिकाले आफ्नै निर्णय कार्यान्वयन नगरेको तथा इँटाभट्टाका कारण स्वास्थ्यमा गम्भीर असर परेको गुनासो ।
३.(सडकमा लापरवाही)
दाङमा ट्याक्टरको ठक्करबाट एक छात्राको मृत्यु भए पछि विद्यार्थीहरुद्वारा सडक अवरुद्ध / हत्यारालाई कारवाहीको माग गर्दै विद्यार्थीहरू आन्दोलित / ट्रयाक्टर चालक प्रहरी नियन्त्रणमा ।
४.(उपसभामुखको भूमिका)
उपसभामुख डा.शिवमाया तुम्बाहाम्फेकै अध्यक्षतामा प्रतिनिधिसभाको हिउँदे अधिवेशनको पहिलो बैठक सुरु हुने / सभामुखकै हैसियतामा गरेको सूचना आयोगका पदाधिकारीको सिफारिसविरुद्ध सर्वोच्चमा रिट ।
५.(मिडियामाथि प्रश्न)
मिडिया आफ्नै कारणले अविश्वसनीय बन्न नहुने सरकारका प्रवक्ता तथा सञ्चारमन्त्री गोकुल बाँस्कोटाको भनाई / मिडियामा फ्रिक्वेन्सीका विषयमा आएका खबरले मिडियाको विश्वसनीयतामाथि प्रश्न उब्जिएको दाबी ।
६.(सुरक्षा बढाउँदै)
सुरक्षा व्यवस्था सुदृढ बनाउन र सीमा सुरक्षा गर्न सरकारले सीमामा सशस्त्र चेकपोष्ट थप गर्ने मन्त्रिपरिषद्को निर्णय / सीमामा १ सय ७ वटा सशस्त्रको चेकपोष्ट रहेकोमा अब १ सय १४ वटा थप गर्ने।
७.(नेविसंघको नेतृत्व वहस)
कांग्रेस केन्द्रीय कार्यालय सानेपामा नेपाल विद्यार्थी संघको रिले अनसन जारी / नेविसंघमा ३२ वर्षे उमेरहद कायम गर्न माग / नैनसिंह महर नेतृत्वको नेविसंघको कार्यकाल सकिएपछि नौ महिनादेखि नेविसंघ नेतृत्वविहीन ।
८.(कर छलीको आरोप)
पेप्सी उत्पादक बहुराष्ट्रिय कम्पनी वरुण बेभरेज विरुद्ध जिल्ला अदालत काठमाडौंमा मुद्दा दर्ता / नक्कली भ्याट बिल प्रयोग गरी ६४ करोड रुपैयाँ राजस्व छलेको आरोप /नक्कली भ्याट बिलको आशंकामा ९ सय भन्दा बढी कम्पनीमाथि छानबिन ।
९.(विकास र बजेटका कुरा)
विकास निर्माणमा भौतिक प्रगति भएको तर बजेट निकासामा ढिलाई हुँदा वित्तिय प्रगति नदेखिएको विभिन्न मन्त्रालयका सचिवहरुको भनाई / संघीयता पछिको वित्तीय संक्रमणकालको नाममा बजेट खर्च न्यून हुने अवस्था आउन नदिन अर्थमन्त्रालयले कदम चाल्नुपर्ने सुझाव ।
१०.(पहाड फोड्ने योजना)
नदीजन्य निर्माण सामग्रीको उत्खननले मात्रै ठूला परियोजना निर्माण सम्भव नहुने भन्दै पहाड फोरेर गिट्टी बालुवा उत्खनन गर्नुपर्ने अर्थमन्त्री डा. युवराज खतिवडाको भनाई /सबै निकाय सडक निर्माणमा मात्रै केन्द्रित हुन नहुने उल्लेख ।
११.(सहकारीको क्षेत्राधिकार)
सहकारी बैंक सहकारी संस्थाहरुको संरक्षक भएको अर्थमन्त्री डा. युवराज खतिवडाको भनाई / सहकारीको असिमित क्षेत्र भएपनि कानुनी सीमा पनि रहेको कुरा स्मरण गर्न आग्रह ।
१२.(प्रतिभाको सम्मान गरौं)
कलाकारहरु राष्ट्रका धरोहर भएपनि राज्यबाट प्रर्याप्त लगानी हुन नसकेको उपराष्ट्रपति नन्दबहादुर पुनको भनाई / उपराष्ट्रपति पुनले नयाँ प्रतिभा जन्माउन र प्रतिभा प्रस्फुटनका लागि पहल गर्न सरकारको ध्यानाकर्षण ।
१३.(बहिर्गमितका लागि कानुन)
बहिर्गमित जनमुक्ति सेनाहरुको उचित व्यवस्थापनका लागि छुट्टै कानुन निर्माण गर्नुपर्ने राष्ट्रिय मानवअधिकार आयोगका सदस्य सुदीप पाठकको भनाई/विशेष कानुन निर्माणको अवस्था अहिले नभएको र मेलमिलाप आयोग सम्बन्धि ऐनमा नै संशोधन गर्नुपर्ने आवश्यकतामा जोड ।
१४.(पीपीएल क्रिकेट)
पोखरा प्रिमियर लिग क्रिकेटमा बुटवल ब्लास्टर्स चितवन राइनोजसंग १ सय १९ रनले पराजित /तेस्रो खेलमा चितवनले एक्स्पर्ट धनगढीसँग शुक्रबार खेल्दा बुटवलले तेस्रो खेलमा शुक्रबारै पोखरा पल्टनसँग खेल्ने ।
र,
१५.(मेक्सिकोमा दुर्घटना)
मेक्सिकोमा भएको सडक दुर्घटनामा परी एकै परिवारका १४ जनाको मृत्यु / मृत्यु भएका मध्ये पाँच जना बालबालिका / दुर्घटनामा अन्य १२ जना घाइते / ट्रकसँग बस ठोक्किएपछिको आगलागीमा परी हताहती ।
