Nepal Times
Nepal Times
3
Shares

बर्नमाउथलाइ हराउँदै टोटनह्याम इंग्लिस प्रिमियर लिगको तेस्रो स्थानमा

बर्नमाउथलाइ हराउँदै टोटनह्याम इंग्लिस प्रिमियर लिगको तेस्रो स्थानमा

विराटनगर, फागुन २८
बर्नमाउथलाई ४–१ गोल अन्तरले हराउँदै टोटनह्याम इंग्लिस प्रिमियर लिगको तेस्रो स्थानमा उक्लिएको छ । गएराती बर्नमाउथलाई घरेलु मैदानमा हराउँदै टोटनह्याम अंक तालिकामा एक स्थान माथि उक्लिँदै तेस्रो स्थानमा पुगेको हो ।

टोटनह्यामको लिगमा ३० खेलबाट ६१ अंक भएको छ भने समान खेलबाट ६० अंक रहेको लिभरपुल चौथो स्थानमा झरेको छ । म्यान्चेस्टर युनाइटेड ६५ अंकसहित दोस्रो स्थानमा छ ।

टोटनह्यामले बर्नमाउथको एक शून्यको अग्रता उल्टाएको हो । खेलको सातौं मिनेटमै जुनियर स्टानिलासले गोल गर्दै घरेलु टोलीलाई अग्रता दिलाए पनि त्यसयता बर्नमाउथको पोष्टमा टोटनह्यामले ४ गोल गर्न सफल भयो । ३५ औं मिनेटमा बामीदेले अलीले गोल गरी पहिलो हाफ बराबरी गरे ।

खेलको दोस्रो हाफमा टोटनह्यामले ३ गोल थपेको थियो । ६२ औं र ८७ औं मिनेटमा सोन हुइङ मिनले गोल गर्दा ९१ औं मिनेटमा सर्जी औरियरले गोल गरेका थिए ।

यही खेलमा टोटनह्यामका सुपरस्टार ह्यारी केन घाइते भएका छन् । ३० औं मिनेटमा बर्नमाउथका गोलरक्षक अस्मिर बेगोभिकसँगको ट्याकलपछि उनको गोलीगाँठामा चोट लागेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.