आजका प्रमुख खबरहरुः
१.(कसले सुनिदेला पीडा ?)
काठमाडौंको माइतीघरमा सर्लाहीका उखु किसानहरुको धर्ना जारी /७ वर्षदेखिको बाँकी रहेको ७० करोड बढी भूक्तानी नदिएसम्म उखु नकाट्ने र मिलहरु चल्न नदिने किसानहरुको चेतावनी ।
२.(कानुन कडा छ )
नेकपा (क्रान्तिकारी माओवादी)का उपाध्यक्ष सीपी गजुरेल पक्राउ /राष्ट्रिय स्वाधीनताको आन्दोलनका क्रममा रक्षामन्त्री ईश्वर पोखरेललाई ज्ञापन पत्र बुझाउने क्रममा निषेधित क्षेत्र तोड्न खोज्दा गजुरेलसहितअन्य एक दर्जन बढी पक्राउ ।
३.(काम कुरो एका तिर……)
प्रदेश नम्बर ३ को नाम बाग्मती र केन्द्र हेटौंडा राख्ने सत्तारुढ दल नेकपाको निर्णय/बैठकमा सभामुख चयन र राष्ट्रियसभा निर्वाचनको विषयले भने प्रवेश नै पाएन ।
४.(प्रहरीको सक्रियता)
धनुषामा मंसिर २७ गतेराति टाइम बम बिस्फोट गराउने व्यक्तिहरू नेत्रविक्रम चन्द ‘विप्लव’ नेतृत्वको नेकपा कार्यकर्ता रहेको प्रहरीको निष्कर्ष /आधा दर्जन विप्लव समूहका कार्यकर्ता पक्राउ परिसकेको प्रहरीको भनाई ।
५.(देशको चिन्ता गर्नेहरु)
काठमाडौंको नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी निकट विद्यार्थीको कार्यक्रममा प्रहरीको हस्तक्षेप / सीमा रक्षा हुनुपर्नेलगायत नारा लगाउँदै प्रदर्शन र नाराबाजी गर्ने१५ जनाभन्दा बढी कार्यकर्तालाई पक्राउ ।
६.(विद्यार्थीको राजनीति)
नेपाल विद्यार्थी संघद्वारा त्रिभुवन विश्वविद्यालयका उपकुलपति धर्मकान्त बाँस्कोटाको कार्यकक्षमा तोडफोड / अयोग्य व्यक्तिलाई रजिष्ट्रार नियुक्त गरेको र त्रिवि परिसरभित्रै प्रहरी चौकी राखिएकोमा नेविसंघको आपत्ति ।
७.(कारागारमै अवैध धन्दा)
दोलखा कारगारभित्र अवैध गाँजा, रक्सीको व्यापार, गुणस्तरहीन खाना र रकम ठगेको आरोपसहित कारागार प्रशासनविरुद्ध कैदीबन्दी नै आन्दोलित /कारागार प्रशाासनका कारण असुरक्षित महसुस गरिरहेको गुनासो ।
८.(सच्चिने समय आयो)
सूचना सम्बन्धि विधेयक संसदीय समितिद्वारा बहुमतले पारित /विद्येयकमा सामाजिक सञ्जालमा जिस्क्याउने, होच्याउने र हतोत्साहित गरे ५ वर्ष जेल वा १५ लाख जरिवाना वा दुबै सजाय हुन सक्ने प्रावधान ।
९.(दर्ता होला त फेसबुक ?)
‘साइबर बुलिङ’ निरुत्साहित गर्नका लागि सूचना प्रविधि विधेयक ल्याइएको सञ्चार तथा सूचना प्रविधिमन्त्री गोकुल बास्कोटाको भनाई /विद्येयक अनुसार अब सामाजिक सञ्जाल सञ्चालन गर्ने सवै कम्पनीहरु दर्ता हुनुपर्ने ।
१०.(असुरक्षित लेखाप्रणाली)
स्थानीय तहको पुष ४ गते (सूत्र) ह्याक भएको लेखाप्रणालीका सबै तथ्याङ्कहरु रिकभर /३९ हजार भौचर नष्ट भएकोमा अहिले सबै तथ्याङ्क रिकभर भएको र ह्याकरको विषयमा थप अनुसन्धान जारी रहेको प्रहरीको भनाई ।
११.(नागरिकतामा विभेद)
नागरिकता सम्बन्धि प्रावधानमा भेदभाव रहेको राष्ट्रिय मानवअधिकार आयोगका अध्यक्ष अनुपराज शर्माको भनाई / बाबु नेपाली हुँदा छोरा वंशज हुने र आमा नेपाली र बुवा विदेशी हुँदा बंशज नहुने प्रावधान विभेदपूर्ण रहेको उल्लेख ।
१२.(पर्यटनका कुरा)
पर्यटन प्रवद्र्धनमा निजी क्षेत्रको महत्वपूर्ण भूमिका रहने पर्यटन सचिव केदारबहादुर अधिकारीको भनाई / निजी क्षेत्रको सहभागिता बिना पर्यटन वर्षको लक्ष्य हासिल गर्न सम्भव नरहेको दाबी ।
१३.(मस्र्याङ्दी सलल्……)
नेपाली फुटबलको मेरुदण्ड मानिएको सहिद स्मारक ए डिभिजन लिग काठमाडौमा जारी / तेस्रो चरणका खेल सम्पन्न हुँदा साविक च्याम्पियन मनाङ मस्र्याङ्दी तालिकाको शीर्ष स्थानमा/चौथो चरणका खेल सोमबारबाट हुने ।
१४.(महिलाको भलिबल)
तेस्रो संस्करणको न्यु डायमण्ड कप राष्ट्रिय खुला महिला भलिबल प्रतियोगिता पुस तेस्रो साताबाट हुने /६ देखि ८ टोलीको सहभागिता रहने प्रतियोगिता चार दिन सम्म सञ्चालन हुने ।
र,
१५. (आँधीको आतंक)
फिलिपिन्समा आएको आँधीका कारण मृत्यु हुनेको संख्या ४१ पुग्यो / दशौं हजारको संख्यामा स्थानीयहरु विस्थापित /बेपत्ता १२ जनाको खोजी कार्य जारी रहेको सरकारी अधिकारीहरुको भनाई ।
