एजेन्सी, पुस २३
अमेरिकी राष्ट्रपति डोनल्ड ट्रम्पले इरानले इराकस्थित आफ्ना दुई सैन्य अखडामा मिसायल आक्रमण गरेपछि सबै ठीक अर्थात् ‘अल इज वेल’ भन्ने पतिक्रिया दिएका छन् । राष्ट्रपति ट्रम्पले भने केही क्षति नभएको भन्दै सब ठीक छ भन्ने प्रतिक्रिया दिएका हुन् ।
ट्वीट गर्दै ट्रम्पले भनेका छन्, ‘अल इज वेल १ इराकका दुई सैन्य अड्डामा इरानबाट मिसाइल आक्रमण भएको छ। आक्रमणबाट भएको मानवीय र भौतिक क्षतिको अध्ययन हुँदैछ। अहिलेसम्म सबै ठीक छ। हामीसँग अहिले संसारकै सबैभन्दा बलियो र शस्त्रले सुसज्जित सैनिक छ। यसबारे म भोलि बिहान प्रतिक्रिया दिनेछु ।’
अमेरिकाले आफ्ना प्रमुख सैन्य कमाण्डर कासिम सुलेमानीको हत्या गरेपछि इरानले बदला लिन बुधबार बिहानै इराकस्थित दुई अमेरिकी सैन्य अखडाहरुमा झन्डै दर्जन मिसाइलले आक्रमण गरेको थियो । सैन्य अड्डामा के कति क्षति भयो भन्ने विवरण भने प्राप्त भएको छैन ।
यसअघि, इरानले अमेरिकासँग गम्भीर बदला लिइने बताएलगत्तै ट्रम्पले इरानले आफ्ना नागरिक र सम्पत्तिमाथि हमला गरे इरानका ५२ साँस्कृतिक महत्वका स्थानमा आक्रमण गर्ने चेतावनी दिएका थिए ।
