२७ पौष, काठमाडौं । नेत्रविक्रम चन्द विप्लव समूहका पोलिटब्युरो सदस्य मोहन कार्की सत्तारूढ नेपाल कम्युनिष्ट पार्टी (नेकपा) प्रवेश गरेका छन् ।
पार्टी केन्द्रीय कार्यालय धुम्बाराहीमा शनिबार आयोजित कार्यक्रममा अध्यक्ष पुष्पकमल दाहाल प्रचण्डले कार्कीलाई स्वागत गरे । कार्कीलाई मुलघर फर्केकोमा दाहालले धन्यवाद दिए ।
विप्लव समूहलाई सरकारले गत फागुनमा प्रतिवन्ध लगाएपछि कार्की पक्राउ परेर थुनामा पनि बसे। रिहा भएको केही समयपछि उनी नेकपा प्रवेश गरेका हुन् ।
विप्लवमा राजनीतिक नैतिकता नभएको आरोप कार्कीले लगाए ।
