Nepal Times
Nepal Times
3
Shares

शिक्षाको गुणस्तर अभिबृद्धि गर्न सबै पक्ष जिम्मेबार हुनुपने

शिक्षाको गुणस्तर अभिबृद्धि गर्न सबै पक्ष जिम्मेबार हुनुपने

विराटनगर, चैत ५
सामुदायिक विद्यालयको शिक्षाको गुणस्तर अभिबृद्धि गर्न सबै पक्ष जिम्मेबार हुनुपर्ने विराटनगरमा आयोजित एक कार्यक्रमका वक्ताहरुले बताएका छन ।

प्रदेश सांसद केदार कार्कीले सरोकारवाला निकायसँग सोमबार विराटनगरमा आयोजना गरेको सामुदायिक विद्यालयको शिक्षा सुधार बिषयक छलफल कार्यक्रममा बोल्ने वक्ताहरुले सबै पक्ष जिम्मेबार भएमात्र सामुदायिक विद्यालयको शिक्षा गुणस्तरमा सुधार हुनसक्नेमा जोड दिएका थिए ।

आधारभुत विद्यालय दरैयाकी शिक्षिका इन्दीरा काफ्लेले विपन्न परिवारकाले मात्र नभई सम्पन्न परिवारका ब्यक्ति र शिक्षकहरु स्वयंले समेत आफ्ना छोराछोरीलाई सामुदायिक विद्यालयमै पढ्नुपर्ने वातावरणको सृजना गर्नुपर्ने माग गरिनन् ।

सामुदायिक विद्यालयमा गुणस्तरिय शिक्षाको नारा लगाउने ब्यक्तिहरुले नै आफ्ना छोरीछोरी निजि विद्यालयमा पढाउने गरेको बताउदै उनले सरकारी कर्मचारीका छोराछोरीलाई समेत सामुदायिक विद्यालयमा पढाउनुपर्ने बाध्यात्मक व्यवस्थागर्न माग गरिन् ।

अरुणोदय आधारभुत विद्यालयका प्रधानाध्यापक ज्ञानेन्द्र खडकाले विद्यालयमा अध्यापन गराउने शिक्षकहरुको गैर जिम्मेबारीपनले सामूदायिक विद्यालयको शिक्षाको स्तर खस्कदै गएको बताए ।

शिक्षकहरुको कार्यसम्पादनको आधारमा पुरस्कार र दण्डको ब्यवस्था गर्नुपर्ने उनको भनाई थियो । कार्यक्रमका अन्य सहभागिले विद्यालयको भौतिक संरचनामा सुधार गर्नुपर्ने,बिषयगत शिक्षकको दरबन्दी कायम गर्नुपर्ने,बाल कक्षाबाटै अंग्रेजीको माध्यमबाट पठनपाठन शुरु गर्नुपर्ने लगायतका सुझाव दिएका थिए । कार्यक्रममा प्रदेश सांसद केदार कार्की,विराटनगर महानगरप्रमुख भीम पराजुली,उपप्रमुख इन्दिरा कार्की लगायतको उपस्थिति थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.