सुनसरी, चैत ५
चैत्र ८ गतेबाट सञ्चालन हुने एसईई परीक्षामा सुनसरीबाट १२ हजार ५ सय ९३ जना विद्यार्थी सहभागी हुने भएका छन् । परीक्षाकालागि सुनसरीमा ४७ वटा परीक्षा केन्द्र तोकिएको छ ।
परीक्षामा सुनसरीका ९७ सामूदायिक विद्यालय सहित १ सय ६४ संस्थागत र ५ वटा प्राविधिक विद्यालयका विद्यार्थी सामेल हुने जिल्ला शिक्षा कार्यालय सुनसरीले जनाएको छ ।
परीक्षार्थी मध्य नियमित तर्फ ११ हजार ८ सय १४ जना, एक्जामटेड ५ सय ९९ जना र प्राविधिक तर्फका १ सय ८० जना विद्यार्थी एसइइमा सहभागी हुने जिल्ला शिक्षा अधिकारी खगेन्द्र सुवेदीले जानकारी दिए ।
परीक्षा अवधिभरको सुरक्षाकालागि सुनसरीमा एक हजारको संख्यामा सुरक्षाकर्मी परिचालित हुने जिल्ला शिक्षा अधिकारी सुवेदीले जानकारी दिए ।
