७ फागुन, काठमाडौं । प्रजातन्त्र दिवसको अवसरमा आज ३ सय २९ जना कैदीहरु जेलमुक्त हुने भएका छन् । प्रकाश थेवेसहित ३२९ जनाको बाँकी कैद कट्टा गरिने भएको हो।
राष्ट्रपति विद्यादेवी भण्डारीले संविधानको धारा २७६, फौजदारी कसुर ऐन २०७४ तथा फौजदारी कसुर नियमावली बमोजिम मन्त्रिपरिषदको सिफारिसमा उनीहरुलाई कैदबन्दी मिनाहा गरेको राष्ट्रपति कार्यालयले जनाएको छ।
जेलमा ५० प्रतिशत कैद सजाय भोगिसकेपछि असल चालचलन देखिएकालाई प्रजातन्त्र दिवसको अवसरमा बाँकी कैद मिनाहा हुने गरेको छ।
