२० फागुन, काठमाडौँ ।
मकवानपुर प्रहरीले ६ किलो २ सय ८९ ग्राम ३ सय ५० मिनीग्राम सुनसहित एक भारतीय नागरिकलाई पक्राउ गरेको छ । हेटाँैडा उपमहानगरपालिका वडा नम्बर १५ बाट भारत कर्नाटक बस्ने ४२ बर्षीय अब्दुल मजिद अनेकललाई प्रहरीले पक्राउ गरेको हो ।
वडा नम्बर १५ स्थित रातोमाटेमा काठमाडौंबाट वीरगञ्जतर्फ आउँदै गरेकोे यात्रुबाहक बसमा चेकजाँच गर्दा अब्दुलको साथबाट उक्त परिणामको सुन बरामद गरेको जिल्ला प्रहरी कार्यालय मकवानपुरका प्रहरी नायब उपरीक्षक सुशीलसिंह राठौरले बताए ।
उनका अनुसार बरामद सुनको बजार मुल्य ४ करोड २७ लाख ५८ हजार ७ सय ७४ रुपैयाँ रहेको रहेको छ । उनीमाथि थप अनुसन्धान भइरहेको र आवश्यक कारवाहीको लागि राजस्व अनुसन्धान कार्यालय पथलैया बारा पठाइएको प्रहरीले जनाएको छ ।
