विराटनगर, चैत ८
एसईई परीक्षामा मोरङबाट १७ हजार ७ सय ५९ जना विद्यार्थी सहभागी भएका छन् । आज भएको अनिवार्य अंग्रेजी विषयको परीक्षा मोरङमा शान्तिपूर्ण र मर्यादित रुपमा सम्पन्न भएको जिल्ला शिक्षा कार्यालयले मोरङले जनाएको छ ।
मोरङमा ६९ वटा परीक्षा केन्द्र तोकिएको छ । जसमध्ये ६७ वटा नियमित विद्यार्थीका लागि र पुरक परीक्षाका लागि २ वटा केन्द्र तोकिएको छ ।
मोरङमा ५७ जना सम्बन्धित विद्यालयका प्रधानाध्यापकलाई केन्द्राध्यक्ष तोकिएको छ भने अन्यलाई अन्य विद्यालयका प्रअ तथा शिक्षकलाई केन्द्राध्यक्ष तोकिएको छ ।
यस पटकको परीक्षामा नियमिततर्फ १७ हजार १ सय ४० र इक्जाम्टेडतर्फ ६ सय १९ जना विद्यार्थी सहभागी भएका छन् । मोरङमा सामुदायिक १ सय ७९ वटा र १ सय ८९ वटा संस्थागत गरी ३ सय ६८ वटा विद्यालय रहेका छन् ।
