विराटनगर, चैत ९
अन्तर्राष्ट्रिय मैत्रिपूर्ण खेलमा शुक्रबार राति अर्जेन्टिना र इटली भिड्दैछन् । खेलअघि बार्सिलोना स्टार लियोनल मेस्सीले म्यान्चेष्टर सिटीको मैदान इथियाड स्टेडियममा प्रशिक्षण गरेका छन् ।
इटाली विरुद्धको मैत्रीपूर्ण खेलका लागि बार्सिलोनाबाट विदा पाएको समयमा मेस्सीले अर्जेन्टिना टिमका निकट खेलाडी सर्जियो एग्युरोसँगै इथियाड स्टेडियममा अभ्यास गरका छन् ।
स्टेडियममा मेस्सीले म्यान्चेष्टर सिटीका यू – ७ र यू – ८ टिमका खेलाडीसँग केही समय बिताएका थिए । यतिमात्र होइन मेस्सीले त्यहाँ उपस्थित खेलाडीका अविभावक तथा परिवारसँग पनि भेट गरेका छन् ।
