२९ वैशाख, एजेन्सी ।
चीनमा थप १७ जनामा कोरोना भाइरसको संक्रमण पुष्टि भएको चीनले सोमबार जानकारी दिएको छ ।
त्यसमध्ये सातजना विदेशबाट आएका हुन् । पछिल्लो समय चीनमा कोरोना भाइरसका नयाँ संक्रमित देखिने क्रम न्यून रहे पनि रोकिएको भने छैन । आइतबार संक्रमण पुष्टि भएका मध्ये १२ जनामा कुनै पनि लक्षण देखिएको छैन । कोरोना भाइरसको उत्पती भएको वुहानमा आइतबार पाँचजनामा कोरोना भाइरसको संक्रमण पुष्टि भएको छ ।
वुहानमा पछिल्लो एक महिनामा सबैभन्दा धेरै व्यक्तिमा कोरोना भाइरसको संक्रमण देखिएको हो । गएको वर्ष वुहानमा देखिएको कोरोना भाइरसको संक्रमण अहिले विश्वका अधिकांश क्षेत्रमा फैलिएको छ ।
