३१ बैशाख, काठमाडौं । अफगानिस्तानमा सुरक्षा बलले इस्लामिक स्टेटका दक्षिण एसियाली एकाइका नेता अबु उमर खोरासनीलाई पक्राउ गरेको छ ।
उक्त संगठन गत महिना काबुलस्थित गुरुद्वारमा भएको हमलामा संलग्न रहेको थियो। खोरसानीसँग उक्त इस्लामिक संगठनको गुप्तचर एकाइका प्रमुख तथा जनसम्पर्क अधिकृत पनि पक्राउ परेको अफगानिस्तानको आन्तरिक मन्त्रालय र जनरल डाइक्टोरेट अफ नेसनल सेक्युरिटीले जारी गरेको विज्ञप्तिमा उल्लेख गरेको छ।
विज्ञप्तिमा एडीएस क्षेत्रीय आतंककारी संगठनका सदस्यहरू पक्राउ गर्ने आफ्नो व्यापक तथा लक्षित अभियान जारी राख्ने र उक्त आतंककारी नेटवर्कलाई ध्वस्त गरिरहने उल्लेख गरेको छ।
इस्लामिक स्टेटको दक्षिण एसिया इकाइको मुख्य ध्यान अफगानिस्तानको एक हिस्सामा रहेको छ। अफगानिस्तान सुरक्षा बलले यस अघि इस्लामिक स्टेट र हक्कानी समुहका ८ कट्टरपन्थीलाई पक्राउ गरिएको थियो। उनी गुरुद्वारसहित राजधानीका अन्य हिस्सामा भएका हमलाका लागि जिम्मेवार हुन्।
अफगानिस्तानमा संघर्ष अन्त्य गर्दै शान्ति बहाल गर्ने प्रयास भइरहेका बेला आइतबार राति पूर्वीलगमान प्रान्त सैन्य जाँच चौकीमा हमला गरिएको थियो। जसमा ६ सैनिकको मृत्यु र पाँच घाइते भएको थियो। तालिबानले आइतबार राती भएको हमलाको जिम्मेवारी लिएको छ। (रासस)
