१४ जेष्ठ, काठमाडौं । मोदी सरकार चीन र नेपालसँगको सीमा विवादको विषयमा पारदर्शी नभएको भारतीय राष्ट्रिय कांग्रेसका पूर्वअध्यक्ष राहुल गान्धीले आरोप लगाएका छन् ।
नेता गान्धीले सीमा विवादका विषयमा मोदी सरकार पारदर्शी नदेखिएको आरोप लगाए ।
दुई वर्ष अघि गान्धी नेपालको बाटो हुंदै मानसरोवर यात्रामा गएका थिए ।
भारतले बैशाख २६ गते नेपाली भुमि लिपुलेक हुँदै चीनको मानसरोवर जाने बाटो उद्घाटन गरेपछि दुई मुलुकबीच सीमा विवाद चर्केको छ ।
पिथौरागढबाट लिपुलेक जोड्ने करिब ८० किलोमिटर लामो उक्त सडकको १९ किलोमिटर खण्ड आफ्नो भूमिमा भएपछि नेपालले विरोधस्वरुप भारतलाई प्रोटेष्ट नोट समेत पठाइसकेको छ ।
विवादकै बीच नेपालले ऐतिहासिक तथ्य र प्रमाणका आधारमा पश्चिमी सीमा लिम्पियाधुरासम्म समावेश गरी नयाँ नक्सा सार्वजनिक गरेको छ ।
नेपालसंगको सीमा विवाद चर्किरहेका बेला पछिल्लो समय भारतको चीनसंग सीमा विवाद पनि तनाबपूर्ण बनेको छ ।
लद्धाख र सिक्किमको सीमावर्ती क्षेत्रमा यी दुई मुलुकबीच अहिले तनाबको अवस्था छ ।
