२२ साउन, एजेन्सी । युरोपा लिगको प्रि–क्वाटरफाइनल अन्तर्गत आज बिहीबार राति चार खेल हँुदैछन् । स्पेनिस क्लब सेभिल्लाले इटालियन क्लब रोमाको सामना गर्दा जर्मन क्लब बायर लिभरकुसन, आइनट्राख्ट फ्रन्कफर्ट र इंग्लिस क्लब वल्भ्सले आ–आफ्नो प्रतिद्वन्द्वीसँग प्रतिस्पर्धा गर्दैछ ।
सेभिल्ला र रोमाबीचको खेल जर्मनीमा नेपाली समयअनुसार राति १०ः४० बजे हुनेछ । पाँच पटकको युरोपा लिगको च्याम्पियन सेभिल्ला रोमालाई पराजित गर्दै अन्तिम आठमा पुग्ने दाउमा हुनेछ ।
यता, रोमा पनि सेभिल्लालाई पराजित गर्दै अघिल्लो चरणमा पुगने दाउमा हुनेछ । यि दुई टोलीले हालसम्म दुईपटक आमने सामने भएका छन् ।
जसमा दुवै टोलीले समान एक खेल जितेका छन् । त्यसैले यि दुई टोलीबीचको खेल रोमाञ्चक र प्रतिस्पर्धात्मक हुने छ ।
यस्तै अर्काे खेलमा जर्मन क्लब बायर लिभरकुसनले स्कटिस क्लब रेन्जर्सको सामना गर्दैछ । खेल लिभरकुसनको घरेलु मैदानमा राति १०ः४० बजे हुनेछ ।
यस्तै अर्काे खेलमा स्वीस क्लब बसेलले जर्मन क्लब फ्रान्कफर्टको सामना गर्दैछ । पहिलो लेगमा बसेल ३–० ले अघि छ । यस्तै अर्काे खेलमा इंग्लिस क्लब वुल्भ्सले ग्रीसको ओलम्पियाकोसको सामना गर्दैछ । यि दुई टोलीले पहिलो लेगमा १–१ गोलको बराबरी खेलेका थिए ।
खेल गोलरहित बराबरीमा टुंगिए वुल्भ्स अवे गोलको आधारमा क्वाटरफाइनल प्रवेश गर्नेछ । आलेम्पियाकोसलाई अघिल्लो चरण प्रवेश गर्न कम्तीमा पनि १–० को जित आवश्यक छ ।
