आजका प्रमुख खबरहरुः
१.(दिनदिनै भयावह)
मोरङमा ५ सहित नेपालमा हालसम्म ७१ जना कोरोना संक्रमितको मृत्यु /आजै ४ सय ६४ जना संक्रमित थपिएसँगै संक्रमित संख्या २२ हजार २ सय १४ पुग्यो /१५ हजार ८ सय १४ जना डिस्चार्ज ।
२.(आइसोलेसनमा भार)
शुक्रबारसम्म ४ लाख २७ हजार ९ सय २६ जनाको पीसीआर विधिबाट कोरोना परीक्षण /देशभर १० हजार २ सय ७ जना क्वारेन्टिनमा /६ हजार ३ सय ३० जना आइसोलेसनमा ।
३.(जोखिममा नगरबासी)
विराटनगरमा कोरोनाबाट थप १ को मृत्यु /विराटनगरमा आज मात्र ३२ जनासहित प्रदेश १ मा ६७ जना संक्रमित थपिए /संक्रमित १ हजार ३ सय २२ पुग्दा ९ सय १० जना डिस्चार्ज ।
४.(प्रशासनको सावधानी)
काठमाडौं उपत्यकाका तीन वटै जिल्ला प्रशासन कार्यालयद्वारा अत्यावश्यक बाहेकका सेवा १५ दिनका लागि स्थगित /नागरिकता र पासपोर्ट वितरण कार्य समेत बन्द /टेकु र महाबौद्ध क्षेत्र सिल ।
५.(बेलैमा सोच्ने कि ?)
संक्रमितमा गम्भीर लक्षण देखिने क्रम बढेको भन्दै भेन्टिलेटरसहितका आईसीयू बेड बढाउन नेपाल चिकित्सक संघको सरकारसँग आग्रह /सरकारी अस्पतालले धान्न नसक्ने भएकाले निजी अस्पताललाई पनि उपचारमा संलग्न गराउन माग ।
६.(स्वीकृतिमा ढिलाई नगरौं)
काठमाडौंमा रहेका निजी अस्पतालहरूलाई आइसोलेसन सेन्टरमा रूपान्तरण गर्न गृह मन्त्रालयलाई जिल्ला प्रशासन कार्यालय काठमाडौंको पत्र/आइसोलेसन सेन्टरको माग बढेपछि प्रशासन स्वीकृतिको पर्खाइमा ।
७.(सल्लाहकारको सुझाव)
पार्टी प्रवक्ता नारायणकाजी श्रेष्ठको भूमिकालाई लिएर प्रधानमन्त्री केपी शर्मा ओलीका मुख्य सल्लाहकार विष्णु रिमालको तीव्र असन्तुष्टि /विधि र पद्धतिको नक्कली गीत गाउँदै नेताहरूलाई गुटबन्दीको आगोमा पोल्न उत्तोलक नबन्न आग्रह ।
८.(नैतिकताको प्रश्न)
कोरोना परीक्षणको दायरा बढाउनलेलगायत माग राखेर अनशन बसेका अनशनकारीसँग तत्काल वार्ता गर्न प्रधानमन्त्रीसँग कांग्रेसको माग /सरकार स्वयंले गरेको सम्झौता पालना गर्न माग गर्दा सरकार गम्भीर नदेखिनु अत्यन्तै दुःखद भएको उल्लेख ।
९.(परीक्षामा पर्दा)
कक्षा ११ को वार्षिक परीक्षा तत्काल नलिन सरकारको निर्देशन /केही विद्यालयले परीक्षा सञ्चालनको तयारी गरेपछि विद्यार्थी र अभिभावकमा डर बढेकाले विद्यालय पुनः खोल्ने निर्णय नभएसम्म परीक्षा नहुने ।
१०.(शिक्षकमा विभेद)
सबै तहका सरकारले बैकल्पिक शिक्षा प्रणालीलाई प्राथमिकता दिनुपर्ने शिक्षामन्त्री गिरिराजमणि पोखरेलको भनाई /निजी विद्यालयले अनलाईन शिक्षा सुरु गरेपनि शिक्षकले तलब नपाएको तर सामुदायिक स्कुलकका शिक्षकले बसीबसी तलब पाईराखेको सांसदहरुको गुनासो ।
११.(निर्विरोध सभापति)
राष्ट्रिय सभा अन्तर्गतका विषयगत समितिहरुमा भएको सभापतिको निर्वाचनमा सबै समितिका सभापतिहरु निर्विरोध निर्वाचित /चारवटै समितिमा एक एक जनाको मात्रै उम्मेदवारी परेकाले नर्विरोध निर्वाचित ।
१२.(पशुपतिको ब्यापार)
आर्थिक लेनदेनमा लाग्ने पशुपति क्षेत्र विकास कोषका पदाधिकारी र कर्मचारीलाई कारबाही गर्ने पर्यटनमन्त्री योगेश भट्टराईको भनाई /स्वर्ग जाने बाटोमा बसेर आर्थिक लेनदेन र चलखेलहरु गरी नर्कजाने काम नगर्न समेत आग्रह ।
१३.(कसरी भयो यस्तो ?)
जनकपुरस्थित रामजानकी अस्पतालमा फरक समूहको रगत चढाउँदा २३ वर्षीया सुत्केरी गंगादेवीको मृत्यु /‘ओ पोजिटिभ’ ब्लडको साटो ‘बी पोजिटिभ’ ब्लड चढाउँदा सुत्केरीको मृत्यु भएपछि चिकित्सक र कर्मचारीमाथि अनुसन्धान ।
१४.(कीर्तिमानी सुन)
कोरोनाको संक्रमण बढेदेखि नै दैनिक कीर्तिमान बनाइरहेको सुनचाँदीको भाउले आज फेरी नयाँ रेकर्ड बनायो /सुनको भाउ आज प्रतितोला एक लाख ३ हजार ५ सय रुपैयाँ निर्धारण /चाँदी प्रतितोला १४ सय ५ कायम ।
र,
१५.(विश्वमा आज)
कोभिड १९ महामारीका कारण हालसम्म विश्वभर ७ लाख १८ हजार बढीको मृत्यु/१ करोड ९२ लाख बढी संक्रमित / १ करोड २३ लाख बढी निको भए /भारतमा संक्रमितको संख्या २० लाख नाघ्यो ।
