२७ साउन, काठमाडौं । काठमाडौको गंगबु हत्याको मुख्य अभियुक्त कल्पना मुडभरी पौडेललाई प्रहरीले सार्वजनिक गरेको छ ।
मंगलबार बिहान पत्रकार सम्मेलन गर्दै हत्याको मुख्य अभियुक्त भनिएकी कल्पना मुडभरी पौडेललाई सार्वजनिक गरेको हो ।
गत आइतबार दाङका कृष्णबहादुर बोहराको हत्या गरि फरार रहेकि कल्पना मुडभरी पौडेललाई प्रहरीले चितवनमा पक्राउ गरेको थियो ।
प्रहरीले दाङका कृष्णबहादुर बोहराको निर्ममतापूर्वक हत्या गरि शव टुक्रापारी सुटकेशभित्र फालिएको अवस्थामा फेला परेको थियो ।
गंगबु नवज्योती मार्गस्थित किरण बस्नेतको घरमा बस्दै आएकी कल्पनाको कोठाबाट प्रहरीले हत्यामा प्रयोग भएका सामग्री बरामद गरेको छ ।
कल्पनालाई चितवनबाट सोमबार राती नै काठमाण्डौ ल्याइ मंगलबार सार्वजनिक गरेको हो । प्रहरीको प्रारम्भिक अनुशन्धानमा हत्याको मुख्य कारण आर्थिक लेनदेन र यौन हिंसा रहेको बताइएको छ । अभियुक्त कल्पनाले पनि हत्या गरेको स्वीकार गरिसकेको प्रहरीले बताएको छ ।
प्रहरी सँगको बयानमा उनले नशालु पदार्थ (स्लिपिङ ट्याब्लेट)खुवाए पछि अण्डकोषमा ह्यामरले हानेको र खुकुरीले टाउको र खुट्टा छिनाएको बयान दिएकी काठमाडौँ प्रहरीले बताएको छ ।
काठमाडौं प्रहरी प्रमुख एसएसपी श्याम ज्ञवालीले कल्पनाले दहीमा पाँच वटा स्लिपिङ ट्याबलेट खुवाएर लठ्याएपछि अण्डकोषमा हम्मरले प्रहार गरेकी र त्यसपछि सलले घाँटी कसेर हत्या गरेकी थिइन् । त्यसपछि उनले घाँटी र खुट्टा छिनालेर आफैंले शव व्यवस्थापन गरेको प्रहरीले जनाएको छ ।
हत्याकाण्डका आरोपी कल्पना र मृतक कृष्णबहादुर बोहोराबीच करिब ३–४ वर्षदेखि फेसबुकमार्फत चिनाजानी भइ सम्पर्क हुँदै आएको र सो दिन पनि बोहोरा कल्पनाकै कोठामा बस्ने गरी गएकोमा कल्पनाले दही, चिउरा, मासु र भोडका खान दिएको खुलेको छ ।
