१ भदौ, विराटनगर ।
विराटनगरस्थित कोशी अस्पतालको आइसोलेशनमा थप एक कोरोना संक्रमितको मृत्यु भएको छ । विराटनगर महानगरपालिका– ८ मधुमाराका ४७ वर्षका पुरुषको उपचारका क्रममा सोमबार बेलुका मृत्यु भएको अस्पतालले जनाएको छ ।
ज्वरो, खोकी र श्वासप्रश्वास समस्या भएपछि शनिबार राति अस्पतालमा भर्ना भएका उनको कोरानोसँग मिल्दोजुल्दो लक्षण देखिएपछि स्वाब संकलन गरिएको थियो । सोमबार बिहान उनको पोजेटिभ रिपोर्ट आएको थियो । उनको सोमबार बेलुका करिब साढे ५ बजे मृत्यु भएकोे अस्पतालका मेडिकल सुपरिटेन्डेन्ट डा. चुमनलाल दासले जानकारी दिए ।
योसँगै मोरङमा कोरोनबाट मृत्यु हुने संख्या ११ पुगेको छ । कोशी अस्पतालमा मात्रै यसअघि ७ जना कारोना संक्रमितको मृत्यु भइसकेको छ ।
