११ भदौ, रुपन्देही ।
रुपन्देहीको बुटवलस्थित कोरोना विशेष अस्पतालमा उपचाररत कपिलवस्तुका ५० वर्षीय कोरोना संक्रमित पुरुषको बुधबार राति मृत्यु भएको छ ।
गत भदौ ५ गते अस्पतालमा भर्ना भएका कपिलवस्तु–१ तौलिहवाका ५० वर्षीय पुरुषको राति १०ः ४५ बजे मृत्यु भएको अस्पतालले जनाएको छ ।
अस्पतालका फोकल पर्सन डा. सुदर्शन थापाका अनुसार ती पुरुषलाई उच्च रक्तचाप, मधुमेह र मिर्गौलामा समस्या थियो । उनलाई भर्ना भएको अर्को दिनबाटै भेन्टिलेटरमा राखेर उपचार गरिएको उनले बताए ।
यसअघि मृतकलाई मुटु अस्पतालमा राखी डायलसिस गरिराखिएको र कोरोना संक्रमण पुिष्ट भएपछि कोरोना विशेष अस्पतालमा भर्ना गरिएको थियो ।
