काठमाडौँ, १५ वैशाख ः सभामुख कृष्णबहादुर महराले बहुभाषा, बहुजाति, बहुसंस्कृति संरक्षण नै संघीयताको मूल मर्म भएको बताएका छन् ।
प्रथम मारवाडी महोत्सवको आज काठमाडौँमा शुभारम्भ गर्दै उनले विविधतामा नै एकता नेपालको सुन्दरता हो भने । सभामुख महराले औद्योगिक व्यवसायलाई प्रवद्र्धन गर्न मारवाडी समुदायको पनि भूमिका रहेको चर्चा गर्दै मानवीय सेवाका क्षेत्रमा मारवाडी समुदायको निरन्तर सहयोगले विपन्न वर्गको उत्थान भइरहेको विचार व्यक्त गरे ।
झापा मारवाडी समाजद्वारा आयोजित सो समारोहमा उनले मारवाडी गौरव सम्मानबाट प्रा.डा.जगदीश अग्रवाल, विनोद चौधरी, ओमप्रकाश सारवी, दिनबन्धु गोयललगायतलाई सम्मानित गरेका थिए ।
सो अवसरमा नेपालका लागि भारतीय राजदूत मञ्जीवसिंह पुरीले नेपाल र भारतको आर्थिक समृद्धिमा मारवाडी समुदायको उल्लेखनीय योगदान रहेको चर्चा गरे । सो महोत्सवमा मारवाडी समुदायका वेशभूषा, रहनसहन, खानपिन झल्किने प्रदर्शनी गरिएको थियो ।
रासस
