योगेन्द्र योगी
१९ भदौ, दोहा ।
कोरोना कहरका कारण बहराइनबाट छुट्टीमा नेपाल आएका नेपालीहरु अब पुन बहराइन फर्किन पाउने भएका छन् । बिभिन्न शर्त पालना गरेर बहराइन फर्कन पाउने बहराइनस्थित नेपाली दूतावासले जनाएको छ । दूतावासका अनुसार विश्वव्यापी कोरोना महामारीको कारण उडान स्थगित भएका कारण बहराइनबाट छुट्टीमा गएकाहरु बहराइन आउन सक्ने २ सय ११ जनाको सूची सार्वजनिक गरेको छ ।
बहराइन प्रबेश गर्न भने विभिन्न नियमपालना गर्नु पर्ने जनाएको छ । बहराइन फर्किनेहरुको भ्यालिड भिषा, श्रम स्वीकृति, कोरोनाको नेगेटिभ रिपोर्ट तथा कागजात साथमा लिएर जानुपर्ने छ । आफ्नो रोजगारदाताले रोजगार दिने अवास्था जीग्यारेन्टी आफैले गर्नुपर्ने हुन्छ । यस्तै बहराइन पुगेपछि ३० बिडी शुल्क तिरेर कोरोना परीक्षण गराई ७ दिन आइसोलेसन बसेर पुन ३० बिडी शुल्क तिरेर कोरोना परीक्षण गराउनुपर्ने दूतावासले जनाएको छ ।
बहराइन पुगेपछि कुनै कारण अध्यागमन बिभागले फिर्ता गरेमा त्यसको जिम्मा समेत आफैँले लिनु पर्ने शर्तमा उल्लेख छ । बहराइनबाट विभिन्न समयमा छुट्टीमा नेपाल आएका धेरै नेपाली कामदारहरु कोरोनाका कारण हवाई उडान स्थातिग भएकोले पुन बहराइन फर्कन सकेका छैनन् ।
