२५ भदौ, जनकपुरधाम ।
जनकपुरबाट हतियार बेच्ने दुई जना युवा पक्राउ परेका छन । पक्राउ पर्नेमा जनकपुरधाम उपमहानगरपालिका २५ लोहनाका २१ वर्षीय अजयराज कास्यत र २४ वर्षीय सुनिलकुमार मण्डल रहेका छन् ।
जनकपुरधाम उपमहानगरपालिका ७ मुसहरी टोलमा हातहतियार बेच्न आएको विशेष सूचनाको आधारमा दुबै जनालाई पक्राउ गरिएको धनुषाका प्रहरी उपरीक्षक रमेशकुमार बस्नेतले जानकारी दिए ।
बिहिबार दिउँसो करिब साढे १२ बजेको समयमा बेच्न आएको कटुवा पेस्तोल र त्यसमा लाग्ने गोलीसहित उनीहरूलाई नियन्त्रणमा लिइएको धनुषा प्रहरीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।
