७ आश्विन, विराटनगर ।
बुधबार पनि सुनचाँदीको भाउ ओरालो लागेको छ ।
आज सुन तोलामा १२ सयले घटेको छ भने चाँदी पनि तोलामा ४० रुपैयाँले घटेको छ । नेपाल सुनचाँदी व्यवसायी महासंघले आज बुधबारका लागि छापावाल सुन तोलाको ९४ हजार ३ सय कायम गरेको छ । हिजो मंगलबार ९५ हजार ५ सय थियो भने सोमबार ९७ हजार २ सय रुपैयाँ थियो ।
आइतबार भने तोलाको ९७ हजार रुपैयाँमा कारोबार भएको थियो । यस्तै तेजावी सुनको भाउ पनि तोलामा १२ सयले कमी आएर ९३ हजार ८ सय कायम भएको महासंघले जनाएको छ । मंगलबार ९५ हजार थियो भने सोमबार ९६ हजार ७ सय थियो ।
यस्तै चाँदीको भाउ पनि तोलामा ४० रुपैयाँले घटेको छ । महासंघले आज बुधबारका लागि चाँदीको भाउ तोलाको ११ सय ९० तोकेको छ ।
