२० असोज, काठमाडौं ।
सत्तारुढ नेपाल कम्युनिस्ट पार्टी (नेकपा)को सचिवालय बैठक प्रधानमन्त्रीको सरकारी निवास बालुवाटारमा जारी छ । चार बजे बोलाइएको बैठक केहीबेर ढिलोगरी सुरु भएको हो ।
बैठकमा गएको बिहीबारको मन्त्रिपरिषद्बाट भएका संवैधानिक नियुक्ति, मन्त्रिपरिषद् पुनर्गठन, पार्टी एकताको बाँकी कामलगायतबारे छलफल हुने कार्यसूची तय भएको स्रोतले जनायो ।
पार्टीमा छलफल नगरी पूर्वअर्थमन्त्री डा.युवराज खतिवडालाई अमेरिकाको राजदूत नियुक्ति गरिएपछि नेकपाभित्र असन्तुष्टि देखिएको छ । यसबारे छलफल गर्न शनिबार नै सचिवालय बैठक बोलाइए पनि बस्न बसेको थिएन ।
सचिवालय बैठकमा मन्त्रिपरिषद् पुनर्गठनबारे समेत छलफल हुने जनाइएकाे छ ।
