२२ असोज, काठमाडौं ।
पछिल्लाे समय प्रहरीको पोशाक र दर्ज्यानी चिह्नको दुरुपयोग बढेपछि प्रहरी प्रधान कार्यालयले दुरुपयोग गर्नेलाई कारबाही गर्ने चेतावनी दिएको छ ।
अनुमती नलिइ सर्टमुभी, प्रयांक भिडियो, म्युजिक भिडियोका साथै टिकटक भिडियोमा समेत प्रहरीको पोशाकको प्रयोग भएपछि प्रहरी प्रधान कार्यालयले बिहीबार विज्ञप्ति जारी गरी कारबाहीको चेतावनी दिएको हो ।
प्रहरी पोशाक प्रयोग गर्नु पर्ने भए जनसम्पर्क तथा प्रचार-प्रसार इकाइबाट अनुमति लिनु पर्ने प्रहरी प्रवक्ता एसएसपी कुँवेर कडायतले जारी गरेको विज्ञप्तिमा उल्लेख छ । त्यसका लागि पोशाक प्रयोग गर्नु पर्ने प्रयोजन खुलाउनु पर्नेछ ।
