२७ आश्विन, चितवन ।
पुरानो मेडिकल कलेज (कलेज अफ मेडिकल साइन्सेस), चितवनमा सर्लाहीका कोरोना संक्रमित पुरुषको मृत्यु भएको छ ।
मृत्यु हुनेमा सर्लाहीको चकरघट्टा गाउँपालिका १ का ३१ वर्षीय पुरुष छन् । ती पुरुष श्वासप्रश्वासमा समस्या भई असोज २३ गते अस्पताल भर्ना भएका थिए । उनको २६ गते कोरोना पुष्टि भएको थियो । निमोनियाँका कारण अस्पतालको कोभिड आईसीयू कक्षमा उपचार भइरहेको थियो ।
उनको आज बिहान ३ बजेर २० मिनेटमा मृत्यु भएको अस्पतालका जनसम्पर्क अधिकृत दुर्गा न्यौपानेले जानकारी दिए ।
