४ कार्तिक, विराटनगर ।
बिराटनगर १६ स्थित दरैया क्षेत्रबाट प्रतिबन्धित लागुऔषध सहित दुई जना पक्राउ परेका छन ।
पक्राउ पर्नेमा विराटनगर रानी–१५ का ३१ बर्षीय शम्भु साह र सोही स्थानका ३० बर्षीय बिकी राई रहेको प्रदेश १ प्रहरी कार्यालयले जनाएको छ ।
विशेष सुराकीको आधारमा १ नम्बर प्रदेश प्रहरी कार्यालय विराटनगर अनुसन्धान समूहबाट खटिएको प्रहरी टोलीले उनिहरुलाई ६२ बोतल डाईलेक्स डिसी, १सय ८७ ट्याब्लेट नाईट्रोजन र २ सय ३८ ट्याब्लेट एसपी प्रोक्सिभन लागुऔषध सहित मंगलबार विहान सवा ४ बजे पक्राउ गरेको हो ।
पक्राउ परेका दुवै जना माथि कानुनी कारबाही अगाडी बढाईएको जिल्ला प्रहरी कार्यालय मोरङले जनाएको छ ।
