१७ मंसिर, काठमाडौं । सत्तारूढ नेपाल कम्युनिष्ट पार्टी नेकपाको भातृ संगठन, युवा संघका कार्यकर्ताले तनहुँमा मोटरसाइकल ¥यालीसहित प्रदर्शन र नाराबाजी गरेका छन् ।
प्रमुख प्रतिपक्षी नेपाली कांग्रेसका वरिष्ठ नेता रामचन्द्र पौडेलले आज बुल्दी पुल उद्घाटन गर्ने कार्यक्रम छ ।
पुल उद्घाटन कांग्रेस नेता पौडेलले गर्न नहुने भन्दै युवा संघले बुधबार बिहान ११ बजेदेखि करिब आधा घण्टा मोटरसाइकल ¥यालीसहित प्रदर्शन र कोणसभा गरेका छन् ।
पुल उद्घाटन गर्ने स्थानमा बिहानैदेखि नेपाल प्रहरी परिचालन गरिएको छ ।
तत्कालीन जिविस अन्तर्गत प्राविधिक कार्यालयले यो पुल निर्माण गरेको थियो । व्यास नगरपालिका आयोजक भएर पुल उद्घाटन गर्ने तयारी गरिएपछि नेकपा र युवा संघले विरोध गरेका हुन् ।
मंगलबार वरिष्ठ नेता पौडेलले व्यास नगरपालिका र ऋषिङ गाउँपालिकाले संयुक्त रूपमा आयोजना गरेको कार्यक्रममा व्यास १४ र ऋषिङ १ जोड्ने सुडेँको पुल उद्घाटन गरेका थिए ।
भौतिक पूर्वाधार मन्त्रालयबाट बजेट विनियोजन भएर निर्माण गरिएको पुल व्यास नगरपालिकाले उद्घाटनको आयोजना गरेको भन्दै नेकपाले विरोध गरिरहेको छ ।
वरिष्ठ नेता पौडेलले आफ्नै पालामा शिलान्यास गरिएको र बजेटसमेत व्यवस्था गरिएकोले कांग्रेसले पुल उद्घाटन गर्नु स्वभाविक भएको बताएका छन् ।
यो पुल उद्घाटन नगर्न स्थानीय प्रशासनले पनि पौडेललाई आग्रह गरेको थियो । प्रशासनले व्यास नगरपालिकालाई पत्र पठाउँदै पुल उद्घाटन नगर्न भनेको थियो ।
