२१ मंसिर, उदयपुर । महिला हत्या आरोपमा पक्राउ परेका उदयपुरका एक युवालाई अदालतले जन्मकैदको सजाय सुनाएको छ ।
कटारी नगरपालिका–११ लखनथुम्काकी ५० वर्षीया महिलाको हत्या आरोपमा पक्राउ सोही ठाउँका २५ वर्षीय युवालाई जिल्ला अदालत उदयपुरले जन्मकैदको फैसला सुनाएको हो । स्थानीय डोरकुमारी राउतको हत्या आरोपमा सोही ठाउँका रोशन राउतलाई पक्राउ गरी पुर्पक्षका लागि थुनामा राखिएको थियो । जिल्ला न्यायाधीश दीपक खनालको बिहीबार बसेको एकल इजालासले उनलाई हत्या प्रमाणित गर्दै जन्मकैदसँगै १ लाख जरिवानासमेत भराउने फैसला गरेको अदालतका सूचना अधिकारी राजकुमार आचार्यले बताए । राउत गत भदौ २७ गते डोरकुमारीलाई धारिलो हतियार प्रहार गरी हत्या गरेको आरोपमा पक्राउ परेका थिए ।
