२५ मंसिर, काठमाडौं।
विश्वभर फेसबुक म्यासेन्जर सेवामा समस्या देखिएको छ । म्यासेन्जरमा म्यासेज गर्न र कल गर्न समस्या आएको अन्तर्राष्ट्रिय संचार माध्मयले जनाएका छन् ।
लोकप्रिय सोसल मिडियाको रुपमा हेरिएको फेसबुक म्यासेन्जरमा समस्या आउँदा विश्वभर लाखौं प्रयोगकर्ताहरु सेवा लिनबाट बञ्चित भएका छन् ।
सर्भर ट्र्याक गर्ने स्वतन्त्र वेबसाइट डाउन डिटेक्टरका अनुसार फेसबुक म्यासेञ्जर डाउनको समस्या नेपाल, बंग्लादेश, फिलिपिन्स, पोल्याण्ड, बेल्जियम, हंगेरी, पेरिस, डेनमार्क, नर्वे, आयरल्याण्डलगायतका देशमा देखिएको छ ।
नेपाललगायत विभिन्न देशका लाखौं फेसबुक युजर्सले मिनेटैपिच्छे म्यासेञ्जरमा पहुँच पाउन नसकेका डाउन डिटेक्टरले जनाएको छ । डाउन डिटेक्टरका अनुसार हरेक मिनेट २४०० युजर्सले म्यासेञ्जर लग इन गर्न, म्यासेज पठाउन र कल रिसिभ गर्न सकिरहेका छैनन् ।
म्यासेन्जरको उक्त समस्या के कारणले देखा परेको हो ? के–कति समयमा समाधान हुन्छ ? भन्ने विषय स्पष्ट भइनसकेको बताइएको छ ।
