आजका प्रमुख खबरहरुः
१.(विवादमा अध्यादेश)
नेकपा भित्रको विवादका कारण संवैधानिक परिषद् बैठक अवरुद्ध बन्दै गएको बेला सरकारको सिफारिसमा राष्ट्रपतिद्वारा संवैधानिक परिषद् सम्बन्धी अध्यादेश जारी/अब परिषद्का ३ जना बहुमत सदस्यको उपस्थितिमा निर्णय हुन सक्ने ।
२.(अध्यादेशको कम्पन)
संवैधानिक परिषद् सम्बन्धी संशोधन अध्यादेश तत्काल खारेज गर्न नेकपाका कार्यकारी अध्यक्ष पुष्पकमल दाहालको माग /संविधानको मूल्य मान्यता र भावनाविपरित पार्टीमा विना छलफल नगरी अध्यादेश ल्याएको भन्दै अधिकांश नेताहरुको आपत्ति ।
३.(कानूनका दाउपेच)
सरकारले ल्याएको संबैधानिक परिषद् सम्बन्धी अध्यादेश कानून विपरित भएको संविधानविद्हरुको प्रतिक्रिया /अध्यादेश जारी गर्ने वित्तिकै परिषद्को बैठक बोलाउन नमिल्ने डाक्टर चन्द्रकान्त ज्ञवालीको तर्क/सभामुख, प्रधानमन्त्री र राष्ट्रपतिले एकपछि अर्को गल्ति गरेको भिमार्जुन आचार्यको प्रतिक्रिया ।
४.(रकम पनि असुलियोस्)
उखु किसानको रकम भुक्तानी नदिने चिनी उद्योगीलाई पक्राउ गर्ने सरकारको निर्णय /माइतीघर मण्डलामा आन्दोलनरत उखु किसानहरु सरकारसँग राखेका दुई बुँदे शर्त पूरा नहुन्जेल वार्तामा नबस्ने ।
५.(उखुमा राजनीति ?)
उखु किसानको आन्दोलनमा नेपाली कांग्रेस र जनता समाजवादी पार्टीको पनि ऐक्यवद्धता/चुनावको बेला किसान र मजदूरलाई साथमा लिएर सरकारमा पुगेका मन्त्रीहरुले अहिले तिनै किसानहरुलाई नचिनेको विश्वप्रकाश शर्माको तर्क ।
६.(कसको कुरा पत्याउनु ?)
शंशाक कोइराला हिन्दू राष्ट्रको पक्षमा उत्रिदा हिन्दू राष्ट्र पार्टीको लाइन नभएको नेपाली कांग्रेसका नेता प्रकाशमान सिंहको प्रस्टोक्ति /कुनै नेताले आफ्नो व्यक्तिगत धारणा दिँदैमा पार्टीको लाइन बन्न नसक्ने तर्क ।
७.(गच्छदारको हिम्मत)
बालुवाटारस्थित ललिता निवासको जग्गा प्रकरणमा भ्रष्टाचार गरेको आरोप लागेका नेपाली कांग्रेसका उपसभापति तथा पूर्वउपप्रधानमन्त्री विजयकुमार गच्छदार म्याद बुझ्न गएनन् /विशेष अदालतले नौ महिना पहिले जारी गरेको म्याद बुझ्न अस्वीकार ।
८.(प्रधानमन्त्रीको कदम)
आफूलाई असहयोग गरेको भन्दै प्रधानमन्त्री केपी शर्मा ओलीले मागे नेकपा संसदीय दलका प्रमुख सचेतक देब गुरूङको राजीनामा /पार्टीको निर्णय भएमा मात्रै आफूले राजीनामा दिने गुरुङको जवाफ ।
९.(कम हुँदै गयो)
नेपालमा हालसम्म कोरोना संक्रमणबाट १६ सय ३० जनाको मृत्यु/आज १९ सय ९६ संक्रमित डिस्चार्ज हुँदा थपिए ९ सय ३६ नयाँ संक्रमित / देशभर ९ हजार ८ सय ८१ सक्रिय संक्रमित ।
१०.(विमितलाई लाभ)
कोरोना बीमा गरेका करिब ११ हजारभन्दा धेरै संक्रमितले लिए एक अर्ब बढी भुक्तानी /थोरै ढिला भए पनि सबै बिमितहरुले बीमा गरेअनुसारको रकम पाउने विमक संघको भनाई ।
११.(निर्देशन सुनियोस्)
संघीय संसद भवनको निर्माण निर्धारित समय भित्रै सम्पन्न गर्न कार्ययोजना बनाई कार्यान्वयन गर्न विकास तथा प्रविधि समितिको सरकारलाई निर्देशन /भौगोलिक जोखिममा रहेका वस्तीहरुलाई तत्काल सुरक्षित स्थानमा स्थानान्तरण गर्न आग्रह ।
१२.(दर्शन गर्ने बाटो)
हिन्दू धर्मावलम्बीहरुको आस्थाको केन्द्र पशुपतिनाथ मन्दिरमा राष्ट्रपति विद्यादेवी भण्डारीद्वारा क्षमा पूजा सम्पन्न/भोली बुधबारदेखि सर्वसाधारणका लागि मन्दिर खोलिने/ मन्दिरभित्र विषेश पूजा र भजनकिर्तन नहुने ।
१३.(उत्तरी ढोका)
चीनसँग सीमा जोडिएको हुम्लाको उत्तरी हिल्साबाट खाद्यान्नसहित दैनिक उपभोग्यवस्तु ढुवानी सुरु / कोभिड–१९ का कारण रोकिएको नेपाल–चीन संयुक्त सैन्य अभ्यासको तयारी सुरु ।
१४.(के आयो फेरि ?)
बेलायतको केही भागमा तीव्र गतिमा फैलिरहेको कोरोना भाइरसको एक नयाँ प्रकारको पहिचान/नयाँ प्रकारको संक्रमण अझ फैलिन सक्ने तथा खोपले पनि यसमा काम नगर्ने हुन सक्ने विज्ञ आँकलन ।
र,
१५.(आजको आँकडा)
विश्वमा हालसम्म कोरोनाबाट १६ लाख ३० हजार बढीको मृत्यु /७ करोड ३२ लाख बढीमा संक्रमण पुष्टि हुँदा ५ करोड १४ लाख बढी उपचारपछि निको भए ।
